უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
პოლიტიკა
გია ვოლსკიმ გამორიცხა საპარლამენტო უმრავლესობის მიერ „საქართველოს პატრიოტებისთვის“ ერთი კვოტის მიცემა
„მოვისმინე, რომ ჩვენგან ვიღაც გადავა და დასდევენ ცალკეულ დეპუტატებს და ეკითხებიან, ხომ არ აპირებ გადასვლას, რასაც საფუძველი ნამდვილად არ აქვს.
რატომ დაიშალა, ერთმანეთთან რა პრეტენზიები აქვთ, ამასთან დაკავშირებით იყო განცხადებები და განცხადებების მიღმა თუ რამე არსებობს, ამაზე ინფორმაცია არ მაქვს. უმრავლესობის ფორმატში რამდენიმე ფრაქცია შეიქმნა და ისინი უმრავლესობასთან თავიანთი პოლიტიკური განწყობით ადეკვატური არიან. „პატრიოტთა ალიანსი“ სხვა ფრაქციების თემასთან არანაირ კორელაციაში არ არის და მიკვირს, რომ ასეთ კითხვას სვამთ. უმრავლესობიდან გასვლა თუ ვინმეს უნდა და „პატრიოტებთან“ შეერთება, ეს გარკვეული დეპუტატების მოსაზრება შეიძლება იყოს. რაც შეეხება მათ თანამდებობებს, ფრაქცია თანამდებობების არსებობას განაპირობებს. რეგლამენტი ყველასთვის რეგლამენტია, ჩემთვისაც და სხვისთვისაც. მას უმრავლესობაც უნდა ემორჩილებოდეს და უმცირესობაც“, - უთხრა ვოლსკიმ ჟურნალისტებს.
ტელეკომპანია „იბერიას“ დამფუძნებლისა და საპარლამენტო ფრაქცია „საქართველოს პატრიოტების“ თავმჯდომარის მოადგილის, ნატო ჩხეიძის მიერ „პატრიოტთა ალიანსის“ დატოვების შემდეგ, ფრაქცია შესაძლოა, დაიშალოს. დღეს ადა მარშანიამ ჟურნალისტებთან არ გამორიცხა, რომ ფრაქციაში გადასვლის თაობაზე საპარლამენტო უმრავლესობის წევრ გედევან ფოფხაძეს მიმართონ.