კომენტარი

გიორგი გახარია ბიძინა ივანიშვილის მაფიოზა, ბიზნეს მენეჯერია - შალვა ნათელაშვილი

„ლეიბორისტული პარტიის“ ლიდერის, შალვა ნათელაშვილის შეფასებით, გიორგი გახარიას ისეთივე შეხება აქვს სამართალდამცავობასთან, როგორც „ვირს საკურთხეველთან“.

როგორც ნათელაშვილმა Facebook-ში დაწერა, გახარიას დანიშვნით შინაგან საქმეთა სამინისტრო პოლიტიკური დევნისა და არჩევნების გამყალბებელ ოფიციალურ სინდიკატად იქცევა.

„ეს პიროვნება ბიძინა ივანიშვილის მაფიოზა, ბიზნეს-მენეჯერია რუსეთის ფედერაციაში და სამართალდამცავობასთან ისეთივი შეხება აქვს როგორც ვირს საკურთხეველთან.

აღნიშნული საკადრო გადაწყვეტილება ნიშნავს იმას რომ პოლიცია საბოლოოდ გადაიქცევა ბანკირთა პირადი დაცვის ორგანოდ ხოლო შინაგან საქმეთა სამინისტრო პოლიტიკური დევნისა და არჩევნების გამყალბებელ ოფიციალურ სინდიკატად. ივანიშვილის დიქტატურა ქვეყანაში სრული სვლით მოემართება“,-დაწერა ნათელაშვილმა.

დღეს, პრემიერ-მინისტრმა სამთავრობო ცვლილებების შესახებ განაცხადა, რომლის მიხედვით, გიორგი გახარია შინაგნ საქმეთა მინისტრის თანამდებობაზეა წარდგენილი.