უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
კომენტარი
გიორგი კვირიკაშვილსა და ჯო ბაიდენს შორის სატელეფონო საუბარი შედგა
საქართველოს პრემიერ-მინისტრ გიორგი კვირიკაშვილსა და აშშ-ს ვიცე-პრეზიდენტს, ჯოზეფ ბაიდენს შორის სატელეფონო საუბარი შედგა.
ოფიციალური ცნობით, ჯო ბაიდენმა საქართველოში ჩატარებული, დემოკრატიული, საპარლამენტო არჩევნების მნიშვნელობაზე ისაუბრა და პრემიერ-მინისტრსა და მის პოლიტიკურ გუნდს გამარჯვება მიულოცა.
ლიდერების შეფასებით, „ქართული ოცნების“ უმრავლესობით გამარჯვება, მთავრობისთვის, რეფორმების გაგრძელების მნიშვნელოვანი შესაძლებლობაა.
პრემიერ-მინისტრის პრესსამსახურის ინფორმაციით, ამერიკის ვიცე-პრეზიდენტმა ხაზი გაუსვა რეგიონში საქართველოს დემოკრატიულ წინსვლას.
საუბარი ასევე შეეხო საქართველო-ამერიკის სტრატეგიული პარტნიორობისა და სხვადასხვა სფეროში ორმხრივი თანამშრომლობის საკითხებს.
საუბრის მსვლელობისას, გიორგი კვირიკაშვილმა აღნიშნა, რომ საქართველოს ხელისუფლება აშშ-ს მხარდაჭერას უდიდეს მნიშვნელობას ანიჭებს და ჯოზეფ ბაიდენს მადლობა გადაუხადა.
ჯოზეფ ბაიდენმა რუსეთის მიერ ოკუპირებულ აფხაზეთთან გაერთიანებული სამხედრო დაჯგუფებების შექმნის შესახებ გადაწყვეტილების რატიფიკაცია დაგმო და გიორგი კვირიკაშვილს, საქართველოს სუვერენიტეტისა და ტერიტორიული მთლიანობისადმი აშშ-ის მხარდაჭერა კიდევ ერთხელ დაუდასტურა.
მონიკა დავლიანიძე