საზოგადოება
გიორგი მღებრიშვილის ინფორმაიცით, სოფელ სვირში გაჩენილი ხანძარი ლოკალიზებულია
საქართველოს შინაგან საქმეთა მინისტრის გიორგი მღებრიშვილის განცხადებით, სოფელ სვირში გაჩენილი ხანძარი ლოკალიზებულია.
მისი თქმით, საფრთხე იმისა,რომ ცეცხლი შეიძლება გავრცელდეს აღარ არსებობს.
„ამჟამად ხანძარი ლოკალიზებულია. უკვე მიმდინარეობს კერების დამუშავება. არის მხოლოდ დაკვამლიანება, ადგილზე იმყოფებიან მეხანძრე-მაშველები, შინაგან საქმეთა სამინისტროს განსაკუთრებულ დავალებათა დეპარტამენტის თანამშრომლები. ვმუშაობთ სრულ კოორდინაციაში. ჩართულია ავიაციაც, მობილიზებული გვყავს ადგილეზე სასაზღვრო პოლიციის კავშირგაბმულობის დანაყოფი, რომელიც კოორდინატებს აწვდიდა ჩვენს ავიაციას, რომ წერტილოვანი დარტყმები გაგვეკეთებინა.
ასე რომ საფრთხე იმისა, რომ ცეცხლი გავრცელდეს აღარ არსებობს, ლოკალიზაცია გვაქვს და უკვე მიმდინარეობს ლიკვიდაცია“, - განაცხადა მინისტრმა.
მონიკა დავლიანიძე