სამართალი

IDFI: 2016 წელს 1394 ერთეულით მეტი დანაშაული დაფიქსირდა

არასამთავრობო ორგანიზაცია ინფორმაციის თავისუფლების განვითარების ინსტიტუტი (IDFI) საქართველოს სტატისტიკის ეროვნული სმასახურის მიერ გამოქვეყნებული ქვეყანაში არსებული დანაშაულის მდგომარეობის შესახებ ანალიზს აქვეყნებს.

ორგნიზაციის მიერ გამოქვეყნებულ ანალიზში ნათქვამია, რომ საქსტატის მიერ 2016 წლის 9 თვის მონაცემისა და შსს-ს მიერ 2014-2015 წლების ანალოგიური პერიოდისმონაცემების შედარების შედეგად ირკვევა, რომ 2016 წლის 9 თვის განმავლობაში რეგისტრირებული დანაშაულის ყველაზე მაღალი მაჩვენებელი ფიქსირდება.

კერძოდ, 2014 წლის (9 თვის მონაცემის) თანახმად, 27 692 დანაშაულია რეგისტრირებული, 2015 წლის ( 9 თვის განმავლობაში) 26 452; ხოლო ამავე პერიოდში 2016 წელს 27 846 ფაქტო დაფიქსირდა.

აქედან გამომდინარე, 2016 წლის 9 თვეში 2014 წლის ანალოგიურ პერიოდთან შედარებით რეგისტრირებულია 154 ერთეულით მეტი დანაშაული, ხოლო 2015 წელთან შედარებით, 2016 წელს 1394 ერთეულით მეტი.

მონიკა დავლიანიძე