მსოფლიო

იენს სტოლტენბერგი სომხეთ-აზერბაიჯანის შეხების წერტილში ძალადობის ესკალაციის გამო შეშფოთებულია

ნატო-ს გენერალური მდივანი იენს სტოლტენბერგი მთიანი-ყარაბაღის კონფლიქტის დარეგულირების საკითხში, ეუთოს მინსკის ჯგუფის ჩარშოში მუშაობას უჭერს მხარს.

ამის შესახებ სტოლტენბერგმა ბრიუსელში სომხეთის პრეზიდენტ სერჟ სარგსიანთან ერთობლივ პრეს-კონფერენციაზე განაცხადა.

ამასთან, ალიანსის გენერალურმა მდივანმა, ბოლო დღეებში სომხეთ-აზერბაიჯანის შეხების წერტილში განახლებული სამხედრო მოქმედებების გამო შეშფოთება გამოთქვა და აღნიშნა, რომ მნიშვნელოვანია ესკალაციის არიდება, რადგან ის რეგიონის პროგრესს აფერხებს.

„მთიანი-ყარაბაღის კონფლიქტი განვიხილეთ. შეშფოთებული ვარ შეხების წერტილში ძალადობის მიმდინარეობით, მათ შორის უკანანსკნელ დღეებშიც. მნიშვნელოვანია ესკალციის არიდება, რადგან ეს კონფლიქტი სამხედრო გზით ვერ მოგვარდება და მისი უწყვეტობა რეგიონის პროგრესს აფერხებს“,-აღნიშნა ჩრდილოატლანტიკური ალიანსის გენერალურმა მდივანმა.

მან სომხეთსა და აზერბაიჯანს მოუწოდა მოლაპარაკებათა მაგიდას დაუბრუნდნენ და იმუშაონ კონფლიქტის მშვიდობიანი დარეგულირების კუთხით.

მონიკა დავლიანიძე