კომენტარი
იმედია, მივიღებთ პასუხს კითხვაზე თუ რა შემთხვევაში დაუჭერს მხარს ოპოზიცია კონსტიტუციური ცვლილებების პროექტს - მამუკა მდინარაძე
საპარლამენტო ფრაქცია ”ქართული ოცნების” თავმჯდომარე მამუკა მდინარაძე ოპიზიციას კითხვით მიმართავს თუ რა არის კონსტიტუციის კანონის პროექტის ის ახალი რედაქციის ფორმა, რასაც ისინი მხარს დაუჭერენ.
როგორც დეპუტატი ამბობს, ხელისუფლება ოპოზიციასთან დიალოგისთვის კვლავ მზად არის, თუ მათი ინტერესი კონსესუსია და არა ხელისუფლების უფრო ღრმად ჩიხში შეყვანა.
მისივე ინფორმაციით, საკონსტიტუციო ცვილილებების შესახებ, ოპოზიციასთან კონსულტაციები სავარაუდოდ, მომდევნო კვირაში შედგება.
”ულტიმატუმები და პირობები მაშინ არ წაგვიყენებია ოპოზიციისათვის, როდესაც მათი წინადადებების დიდი ნაწილი გავიზიარეთ კომისიის მუშაობისას, არც მაშინ, როდესაც ახალ პროექტში ჩავწერეთ, რომ 2020 წლისათვის ბარიერი 3%-მდე დაიწეოდა. მიუხედავად ამისა, კვლავაც მზად ვართ ვაწარმოოთ დიალოგი ოპოზიციასთან და მათი მხრიდან ნებისმიერი რაციონალური წინადადების დაყენების შემთხვევაში, ვიფიქროთ შესაბამისი იურიდიული გადაწყვეტილების მექანიზმებზეც.
იმედი გვაქვს დიალოგისას, რომელიც უახლოეს მომავალში გაიმართება, მივიღებთ პასუხს მთავარ კითხვაზე - რა შემთხვევაში დაუჭერს მხარს ქართული ოპოზიცია კონსტიტუციური ცვლილებების პროექტს. ასევე ვიმედოვნებთ, რომ ამ კითხვაზე პასუხი იქნება ისეთი, რომელიც კიდევ უფრო ღრმად არ შეიყვანს ჩიხში მათ პოზიციას და მოემსახურება კონსესუსის მიღწევას”, - განაცხადა მამუკა მდინარაძემ.