პოლიტიკა

ირაკლი კობახიძე ბრიტანეთის პარტიათაშორის საპარლამენტო ჯგუფს შეხვდა

გაერთიანებული სამეფოს პარლამენტის საქართველოს საკითხებზე პარტიათაშორისი საპარლამენტო ჯგუფი საქართველოში იმყოფება.

ვიზიტს გამოეხმაურა პარლამენტის თავმჯდომარე, ირაკლი კობახიძე. მისი თქმით, საქართველო ძალიან ბევრ რამეს გააკეთებს იმისთვის, რომ ბრიტანელ პარტნიორებთან თანამშრომლობა გაღრმავდეს.

„ჩვენ ძალიან დიდ მნიშვნელობას ვანიჭებთ ჩვენს სტრატეგიული პარტნიორობას დიდ ბრიტანეთთან და დიდი სურვილი გვაქვს, კიდევ უფრო გარღმავდეს ეს პარტნიორობა როგორც ქვეყნებს შორის ზოგადად, ასევე, პარლამენტთაშორის დონეზე. ამ მიმართლებით ძალიან ბევრი რამ გაკეთდება ჩვენი პარლამენტის მიერ“, - განაცხადა კობახიძემ.

თავის მხრივ, როგორც ბრიტანული დელეგაციის წარმომადგენელმა, ჯონათან ჯანოღლიმ აღნიშნა, ბრიტანული მხარე მხარს უჭერს საქართველოს პარლამენტს დემოკრატიულ პრინციპებზე დამყარებული მიზნების განხორციელებაში.

,,მოხარულები ვართ, რომ ჩვენი საპარლამენტო ჯგუფი არის პირველი, საქართველოში ჩატარებული საპარლამენტო არჩევნების შემდეგ პარლამენტის ახალ თავმჯდომარეს შეხვდა. შეხვედრა საკმაოდ საინტერესო იყო. ჩვენ კიდევ ერთხელ დავუდასტურეთ ქართულ მხარეს ჩვენი ძლიერი თანადგომა იმ პრინციპების განხორციელებაში, რასაც დემოკრატიული მმართველობა ჰქვია’’, - განუცხადა ჟურნალისტებს ჯონათან ჯანოღლიმ.

ნინო ექვთიმიშვილი