უახლესი ამბები
არქივი
პოლიტიკა
ირინა სარიშვილი არის რუსეთის აგენტი, ელისო კილაძე ჩვეულებრივი შავრაზმელი ჟურნალისტია - ოთარ კახიძე
ნაციონალური მოძრაობის წევრის ოთარ კახიძის თქმით, ირინა სარიშვილისა და ელისო კილაძის ნდობა არ შეიძლება. ამის შესახებ კახიძე სოციალურ ქსელში წერს და აღნიშნავს, რომ ნაციონალური მოძრაობისთვის, კილაძე და სარიშვილი დაბრკოლებას წარმოადგენენ.
,,ირინა სარიშვილი არის რუსეთის აგენტი. ყოფილი თუ მოქმედი, არ მაინტერესებს. მე არ ვენდობი მსგავს მხარდამჭერებს. რაც უნდა ის შემოხაზოს, მისი მოსაზრებების ტირაჟირება და პარტიის რუპორად წარმოჩენა არ შეიძლება.
ჩემი მთავარი პრიორიტეტია უფრო მეტი ამომრჩევლის დარწმუნება, რომ ჩვენ უფრო წესიერები, ღირებულებების ერთგულები, პრინციპულები და კომპეტენტურები ვართ. ამ საქმეში კილაძე და სარიშვილი მხოლოდ დაბრკოლებას წარმოადგენენ.“
,,ელისო კილაძე არის ჩვეულებრივი შავრაზმელი ჟურნალისტი - ასავალ-დასავალის სტილის გაზეთით - ქრონიკა პლუსი და საავტორო გადაცემით ეფესბეშნიკურ ტელევიზია ობიექტივზე. შესაბამისად, არ შეიძლება რაიმე საერთო ჰქონდეს ელისო კილაძეს ერთიან ნაციონალური მოძრაობასთან და ამ პარტიის მხრიდან დეკლარირებულ ღირებულებებთან. ამიტომ არ დამიშეარებია არასდროს ელისო კილაძის არცერთი განცხადება, მიუხედავად ილუზიისა, რომ თითქოს ეს იყო ხელისუფლებისთვის საზიანო. არ შეიძლება მსგავსი სუბიექტების ნდობა”, - წერს ოთარ კახიძე.
კახიძეს გაზეთ ქრონიკა პლუსის რედაქტორი ელისო კილაძე რამოდენიმე პოსტით გამოეხმაურა.
,,ოთო კახიძეს ვინმემ გადაეცით (მე დაბლოკილი ვყავარ), ჩემთან ბრძოლას ბიძინას ებრძოლოს-დამავალებს ძაან“.
,,არც ერთი სტატუსი (სტატია)არ დამიწერია იმიტომ,რომ ოთო კახიძეს და მისნაირებს გაეზიარებინათ (არასოდეს მაინტერესებდა მართული ქვეშემდომების აზრი“ , - წერს ელისო კილაძე.
კახიძის პოსტს ,,ფეისბუქშივე“ გამოეხმაურა პარტია ,,იმედის“ ლიდერი ირინა სარიშვილიც.
,,თქვენა შვილო ჩემ წინააღმდეგ საბრძოლველად შედიხართ პარლამენტში თუ ივანიშვილის? ვინაა ეს ბოვში რა უნდა?“, - წერს სარიშვილი.