უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
პოლიტიკა
ირმა ინაშვილმა ფართომასშტაბიანი საპროტესტო აქციების დაწყება დააანონსა
„პატრიოტთა ალიანსის“ ერთ-ერთმა ლიდერმა ირმა ინაშვილმა ფართომასშტაბიანი აქციების დაწყება დააანონსა. პირველი აქცია თბილისში, რესპუბლიკის მოედანზე 17 სექტემბერს, 16 საათზე გაიმართება.
აქციების მთავარი მიზეზი კონსტიტუციის ახალი კანონპროექტი გახდა. „პატრიოტთა ალიანსი“ კიდევ რამდენიმე საკითხს გააპროტესტებს, მათ შორის ხელისუფლების პოლიტიკას ოკუპირებული ტერიტორიების მიმართ.
„ჩვენ გავაპროტესტებთ ასევე ქართული მიწის გაყიდვას უცხო ქვეყნის მოქალაქეებზე. გავაპროტესტებთ იმ ჩანაწერის გაქრობას კონსტიტუციიდან, რომ კულტურული მემკვიდრეობის დაცვის ვალდებულება აქვს ყველა მოქალაქეს, გავაპროტესტებთ ასევე ბანკების ძალადობას საქართველოს მოსახლეობის აბსოლუტურ უმრავლესობის წინააღმდეგ, ასევე გავაპროტესტებთ ხელისუფლების უმოქმედებას ქვეყნის ტერიტორიული მთლიანობის აღდგენის კუთხით“, - განაცხადა ინაშვილმა.
„პატრიოტების“ თბილისის მერობის კანდიდატმა გამორიცხა რომელიმე სხვა პარტიის თანაორგანიზატორობა.
„სამწუხაროდ, ბოლო პერიოდში ვხედავთ მცდელობას, კონკრეტულად ჩვენი პარტიის მიერ ორგანიზებულ ამ აქციასთან მოხდეს ყველა დანარჩენი ოპოზიციური პარტიის დაკავშირება, მათ შორის „ნაციონალური მოძრაობის“ ორივე ფრთასთან- ბოკერიასა და გოცირიძის ფრთებთან, რაც ტყუილია და არანაირად არ შეესაბამება სიმართლეს“, -თქვა ინაშვილმა.
ინაშვილის განმარტებით, ტელეკომპანია „იმედის“ გუშინდელ სიუჟეტში „ნაციონალური მოძრაობის“ გარდა აქციის ორგანიზატორებად „ირიბად იყვნენ მიბმული“ „რესპუბლიკელები“ და სხვა პარტიები.
„[მათთან] ჩვენ, „საქართველოს პატრიოტები“ არათუ აქციას არ გავმართვთ, არამედ არ ვაპირებთ საერთოდ არანაირ პოლიტიკურ თანამშრომლობას: არც ღია და არც ფარულ კომუნიკაციას“, - განაცხადა ინაშვილმა.
აქციების გამართვა ასევე იგეგმება ბათუმში. ინაშვილის ინფორმაციით, დასკვნითი აქცია 8 ოქტომბერს თბილისში, თავისუფლების მოედანზე ჩატარდება. ალიანსი მხოლოდ იმ შემთხვევაში შეწყვეტს აქციებს, თუკი ხელისუფლება მათი მოთხოვნების 90%-ს შეასრულებს.
ანა მებურიშვილი