კომენტარი

იუსტიციის უმაღლესი საბჭო უკვე ყველანაირ ზღვარს გადადის - კახა კოჟორიძე

ის რაც ახლა ჩვენს პროფესიაში ხდება უკვე ყველანაირ ზღვარს ცდება. იუსტიციის უმაღლესი საბჭო უკვე ყველანაირ ზღვარს გადადის, - ამის შესახებ იურისტმა კახა კოჟორიძემ „ფეისბუქის“ პირად გვერდზე დაწერა, მას შემდეგ, რაც იუსტიციის უმაღლესმა საბჭომ ლევან მურუსიძე მოსამართლედ უვადოდ განაწესა.

„ამ ქვეყანაში გვახსოვს უსამართლობით შეწუხებული ჟურნალისტების, მეშახტეების, ექიმების, მასწავლებლების და სხვა პროფესიის ადამიანების პროტესტი. ამ ტოტალურ უსამართლობასა და უტიფრობაზე, რომელსაც ახლა უკვე საშვილიშვილოდ თავს გვახვევენ, იურისტებმა ხმა არ უნდა ამოვიღოთ? რა თქმა უნდა, ყველას ეხება ის, რაც ახლა მართლსაჯულების სისტემაში ხდება, მაგრამ პროფესიულად პირველ რიგში გვეხება ჩვენ...“, - აცხადებს კოჟორიძე.