უახლესი ამბები
- 01.05.2024 16:15მჯერა ქართველი ხალხის, ის საქართველოს ევროპულ გზას დაიცავს - ევროპარლამენტარი
- 01.05.2024 15:39ძალადობა უნდა შეწყდეს - საქართველოში გერმანიის ელჩი
- 01.05.2024 15:27ხელისუფლება შევიდა უმძიმეს და არასაჭირო პროცესში და ვფიქრობ, მას მოუწევს დიდი პოლიტიკური ფასის გადახდა - გიორგი კვირიკაშვილი
- 01.05.2024 15:182 მაისიდან 6 მაისამდე საქართველოში ამინდი გაუარესდება
არქივი
სამართალი
იუსტიციის უმაღლესი საბჭოს მოსამართლე წევრი სერგო მეთოფიშვილი საბჭოს სხდომების დახურვას ითხოვს
იუსტიციის უმაღლესი საბჭოს მოსამართლე წევრმა სერგო მეთოფიშვილმა საბჭოს სხდომების დახურვის მოთხოვნა დააყენა.
მეთოფიშვილი ამბობს, რომ მედიისა და არასამთავრობოების დასწრების პირობებში იუსტიციის უმაღლეს საბჭოს მუშაობაში ხელი ეშლება და სხდომები რეალითი შოუებს დაემსგავსა, სადაც იმით არიან დაკავებული, ვინ უფრო მახვილად უპასუხებს.
„ეს არაჯანსაღი ატმოსფეროა, მე ამას დავასაბუთებ. ადრეც, თუ გახსოვთ ვთქვი, რომ გამოვიტან ამას და ვიმსჯელოთ ამაზე. უზარმაზარი საკითხებია და პრობლემები გვაქვს და ამით ვართ დაკავებული - ვინ უფრო მახვილად უპასუხებს. გამჭვირვალობამ მოიტანა, რომ სამუშაო რეჟიმი გადავიდა რეალითი შოუში“- განაცხადა მეთოფიშვილმა.
მეთოფიშვილის წინადადება საბჭოს არამოსამართლე წევრისთვის, ნაზი ჯანეზაშვილისთვის მიუღებელი აღმოჩნდა. მისი თქმით, სხდომების დახურვა საბჭოსადმი ნდობას შეამცირებს.
„ეს მიგვიყვანს ჩვენ ძალიან მძიმე შედეგებამდე. საზოგადოებიდან საბჭო იქნება აბსოლუტურად იზოლირებული. საზოგადოება და მედია ვერ გაიგებს იმის შესახებ თუ რა გადაწყვეტილებებს იღებს საბჭო. შესაბამისად, როდესაც სასამართლო სისტემის მთავარი ორგანო მიისწრაფვის იქითკენ, რომ საბჭოს სხდომები იყოს დახურული და საზოგადოებას ჩვენ არ მივაწოდოთ დეტალური ინფორმაცია ჩვენი გადაწყვეტილებების შესახებ, ეს ბუნებრივია შეამცირებს ნდობას ჩვენდამი და გააჩენს კიდევ უფრო მეტ კითხვებს საბჭოსადმი“, - აცხადებს ნაზი ჯანეზაშვილი.
სერგო მეთოფიშვილმა საბჭოს სხდომების დახურვის მოთხოვნა უკვე მეორედ დააყენა.
ცირა გურგენიძე