უკან

უახლესი ამბები

დღის კალენდარი

ანონსები

არქივი

პოლიტიკა

17 ივლისი, 2018 16:40
font-size

ჟამი სიმართლისა - ვის უჭერს მხარს მსოფლიო, მშვიდობიან მოსახლეობას თუ ტერორს

ბოლო დღეებში ღაზას სექტორიდან ისრაელზე განხორციელებული სამხედრო იერიშების ფონზე, კიდევ უფრო გააქტიურდა ანტიისრაელური საინფორმაციო კამპანია, თითქოსდა ისრაელი უხეში ძალის გამოყენებით ებრძვის პალესტინის „მშვიდობიან“ მოსახლეობას, და რომ ისრაელში არაბები იტანჯებიან და მძვინვარებს აპარტეიდი. სინამდვილეში, ვითარება რადიკალურად განსხვავებულია და ისრაელს თითქმის ყოველდღიურად რაკეტების სახით უბრუნდება ის ჰუმანიტარული თუ ეკონომიკური მხარდაჭერა, რომელსაც მისგან პალესტინა, კერძოდ კი ღაზას სექტორი აგერ უკვე ათწლეულებია იღებს.

ისრაელის პარლამენტის (ქნესეთის) სამშვიდობო კომისიის მიწვეული წევრი, „ისრაელის სახლის“ დამფუძნებელი იციკ მოშე აცხადებს, რომ მნიშვნელოვანია მსოფლიომ იცოდეს სიმართლე ისრაელის სამშვიდობო პოლიტიკისა და იმ რეალობის შესახებ, რომელშიც ისრაელსა და რეგიონს ღაზას სექტორში ბაზირებული ტერორისტული ორგანიზაცია „ჰამასი“ ამყოფებს.

იციკ მოშეს თქმით, არაბები არსად თავს ისე უკეთესად არ გრძნობენ, როგორც ისრაელში. ქვეყანაში ცხოვრობს 1,5 მლნ არაბი, რომელიც ყოველწლიურად ისრაელის ბიუჯეტიდან იღებს 5-დან 8 მილიარდამდე დოლარის სოციალურ დახმარებას. ეს თითქმის 2-ჯერ მეტი თანხაა, ვიდრე საქართველოს მთლიანი ბიუჯეტი. ისრაელელ არაბებს, როგორც სხვა თანამოქალაქეებს, აქვთ არჩევნებში მონაწილეობის უფლება, ქვეყნის პარლამენტში ჰყავთ წარმომადგენლები. ამასთან, ისრაელელი არაბების უმრავლესობა უარს ამბობს გადასახადების გადახდაზე, ნაწილი კი მხარს უჭერს „ჰამასს“. საშუალო არაბული ოჯახი ხარჯავს უფრო მეტს ელექტროენერგიაზე, წყალზე, კვებაზე, ჩაცმულობაზე და სიგარეტზე, ვიდრე ისრაელელი. ისრაელი არის, აგრეთვე, ყველაზე მიმზიდველი ადგილი რეგიონის არაბი ლტოლვილებისთვის. ისინი უარს ამბობენ სხვა არაბულ ქვეყნებში თავშესაფარზე და სურთ ისრაელში შემოსვლა. ისრაელი კი ერთადერთი ადგილია, საიდანაც არაბები არ გარბიან.

ისრაელის სამშვიდობო პოლიტიკის ნაწილია ღაზას სექტორის დახმარება. იმის მიუხედავად, რომ ამ არაბული ანკლავიდან ისრაელი ყოველდღე იბომბება, ღაზას ელექტროენერგიას, წყალსა და მედიკამენტებს აწვდის ისრაელი. პარადოქსია, მაგრამ ფაქტია, ღაზას სექტორიდან არაბებმა ისრაელის მშვიდობიან მოსახლეობას დაუშინეს 10 000-ზე მეტი რაკეტა, გადაწვეს სასოფლო-სამეურნეო სავარგულები, ისრაელი თავს იკავებს საპასუხო იერიშისგან იმის გამო, რომ არაბი ბავშვები არ დაზარალდნენ.

იციკ მოშე აღნიშნავს, რომ ღაზას სექტორის მოსახლეობა მძიმე პრობლემებშია ჩაფლული და ეს ისევ და ისევ იქაური მმართველი ტერორისტული დაჯგუფების წყალობით. ამ პრობლემების გადაჭრა შესაძლებელია მხოლოდ მშვიდობიან გარემოში, ისრაელის დახმარებით. ისრაელი იყო და რჩება ერთადერთ ადგილად, სადაც თვით ღაზას სექტორის არაბები იღებდნენ ღირსეულ სამუშაოს, სამედიცინო მომსახურებას და სხვ. მასობრივი ტერორის დაწყებამდე კი, ისრაელში ღაზას სექტორიდან 200,000-ზე მეტი არაბი იყო დასაქმებული.

„ისრაელის სახლის“ დამფუძნებელი მიიჩნევს, რომ ღაზას სექტორში ვითარება მოგვარდება იმ შემთხვევაში, თუ არ ეყოლებათ ტერორისტული მთავრობა, თავიანთი პრობლემების მიზეზებს მოძებნიან თავიანთ თავში და ხელს არ გაიშვერენ ისრაელისკენ; მსოფლიოდან და ისრაელიდან მიღებულ დახმარებასა და მხარდაჭერას გამოიყენებენ განვითარებისკენ.

ღაზას სექტორიდან ტერორზე ისრაელის რეაქციასთან დაკავშირებით, იციკ მოშე აცხადებს, რომ ერთმანეთს ნამდვილად ხელს არ უშლის ტერორზე მკაცრი პასუხი და საერთაშორისო საზოგადოებისთვის ობიექტური ინფორმაციის მიწოდება, ჰასბარას კამპანია. ეს ისრაელს წარმოაჩენს, როგორც, ერთი მხრივ, სათანადო სიმაღლეზე მყოფ სახელმწიფოს, და მეორე მხრივ, ხაზს უსვამს მის კანონიერ უფლებას საკუთარ მიწაზე.

ვის უჭერს მხარს მსოფლიო, მშვიდობიან მოსახლეობას თუ ტერორს? - კითხულობს „ისრაელის სახლის“ დამფუძნებელი და იხსენებს მეორე მსოფლიო ომის მიმდინარეობისას 6 მილიონი ებრაელის მკვლელობას. „მოკლეს 6 მილიონი მეცნიერი, მსოფლიოს მოუსპეს ნაღები საზოგადოება, დიდი კულტურული მემკვიდრეობით. სამაგიეროდ მიიღეს 20 მილიონი მუსლიმანი. არ ვარ მუსლიმების წინააღმდეგი, მაგრამ სასურველი იყო ევროპას და აშშ-ს მათ ბედზე მათივე ქვეყნებში, არაბულ სამყაროში ეზრუნათ. ახლაც იმავე შეცდომას იმეორებენ, როდესაც გარკვეული ძალები მხარს არ უჭერენ ისრაელს ტერორიზმის წინააღმდეგ ბრძოლაში. ამ გზით მათ თავიანთ ქვეყნებში შესაძლოა „ჰამასიც“ კი მიიღონ“, - აცხადებს იციკ მოშე.

მშვიდობაში მოახმაროთ ქურდი, რომელმაც გარკვეული ფინანსური დარღვევები ჩაიდინა ჩვენს პარტიაში - თორნიკე რიჟვაძე

17 ნოემბერი, 2018 , 17:45

„ქართული ოცნების“ ხულოს ორგანიზაციის თავმჯდომარის, ომარ მახარაძის მიერ მმართველი პარტიის დატოვებას აჭარის მთავრობის თავმჯდომარე, თორნიკე რიჟვაძე გამოეხმაურა. მისი თქმით, მახარაძე მმართველი პარტიიდან 3 თვის წი

მე რომ ვყოფილიყავი ოჯახით, ჩემი შვილები აქ რომ ყოფილიყვნენ, შეიძლება, ამ ბრძოლაში არ წავსულიყავი - სალომე ზურაბიშვილი

17 ნოემბერი, 2018 , 17:25

ძალიან ბედნიერი და ამაყი ვარ თქვენი მხარდაჭერის გამო, რადგან ეს ნიშნავს, რომ დღეს უკვე არსებობს ქალთა შორის სოლიდარობა, რომელიც არის ძალიან დიდი ძალა, – ასე მიმართა „ქართული ოცნების“ მიერ მხარდაჭერილმა

მე ვერ მხედავთ? მგონი, ძალიან ვჩანვარ, ამაზე მეტი ცოტა უხერხულია - სალომე ზურაბიშვილი ახალ ბილბორდებზე

17 ნოემბერი, 2018 , 16:00

„მგონი, ძალიან ვჩანვარ, ამაზე მეტი ცოტა უხერხულია“, - ასე უპასუხა „ქართული ოცნების“ მიერ მხარდაჭერილმა კანდიდატმა სალომე ზურაბიშვილმა ახალ წინასაარჩევნო ბილბორდებზე დასმულ შეკითხვას. „მე ვერ

გაერთიანებულმა ოპოზიციამ არჩევნების თარიღის სამუშაო დღეს დანიშვნის გამო ცესკოს გადაწყვეტილება სასამართლოში გაასაჩივრა

16 ნოემბერი, 2018 , 17:40

მოძრაობამ „ძალა ერთობაშია“ არჩევნების თარიღის სამუშაო დღეს დანიშვნის გამო ცესკოს გადაწყვეტილება სასამართლოში გაასაჩივრა. განცხადება საქალაქო სასამართლოში „ნაციონალური მოძრაობის“ წევრმა ლევან ბეჟაშ

მომავალი წლიდან საქართველოში წამლის სააგენტო ამოქმედდება - დავით სერგეენკო

16 ნოემბერი, 2018 , 17:40

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის დავით სერგეენკოს ინფორმაციით, მომავალი წლიდან საქართველოში წამლის სააგენტო ამოქმედდება. მისი განმარტებით, სააგენტოს მთა

„ნაციონალური მოძრაობის“ განცხადებები ჰააგის სასამართლოზე სამართლებრივად, უბრალოდ ცდება სიმართლეს - ანა დოლიძე

16 ნოემბერი, 2018 , 17:40

საერთაშორისო სამართლის ექსპერტის, ანა დოლიძის განცხადებით, ჰააგის სასამართლოსთან დაკავშირებით „ნაციონალური მოძრაობის“ განცხადებები სცდება სიმართლეს. დოლიძის თქმით, მას არ ახსენდება, რომ ჰააგის სასამართლოში ჯა

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`