კომენტარი

კახა კალაძე დავით ნარმანიას მიერ წარდგენილ თბილისის 2018 წლის ბიუჯეტში ცვლილებებს შეიტანს

თბილისის მერი კახა კალაძე, მისი წინამორბედის მიერ წარდგენილ დედაქალაქის 2018 წლის ბიუჯეტში ცვლილებას შეიტანს.

„როდესც ჩვენს მიერ გადაგზავნილ მოადგილეებს, გამგებლებს, საქალაქო სამსახურის ხელმძღვანელებს დაგვიმტკიცებენ, გვექნება მთავრობის სხდომა და პირველი დავალება, რომელიც იქნება ჩემი მხრიდან, იქნება ბიუჯეტის გამოწვევა, რომ ვიმუშაოთ და ბიუჯეტში მოვახვედროთ ის მიმართულებები, პროექტები, რომლებიც ჩემს წინასაარჩევნო პროგრამაში იქნა გაჟღერებული. იმისთვის რომ უკვე მომდევნო წლიდან შევუდგეთ პროგრამების შესრულებას“,- განმარტა თბილისის მერმა.

რაც შეეხება თანამშრომლებისათვის პრემია/დანამატების გამოწერის საკითხს, კალაძე აღნიშნავს, რომ მერს უნდა ქონდეს შესაძლებლობა, რომ წაახალისოს ის თანამშრომელი, რომელიც კონკრეტულ პროექტს კარგად შეასრულებს.

„რაც შეეხებ პრემიებს, ზომიერების ფარგლებში პრემირება აუცილებლად გასაკეთებალია. როდესაც შენი თანამშრომელი კონკრეტულ პროექტს ძალიან კარგად ასრულებს, მერს უნდა ქონდეს იმის შესაძლებლობა, რომ პრემიები გამოუწეროს. თუმცა, კიდევ ერთხელ გავიმეორებ, ეს ზომიერების ფარგლებში უნდა მოხდეს“,-აღნიშნა კახა კალაძემ.

მონიკა დავლიანიძე