საზოგადოება
კალათბურთის ფედერაციის პრეზიდენტობის კანდიდატმა შიო ხეცურიანმა თავისი კანდიდატურა მოხსნა
კალათბურთის ფედერაციის პრეზიდენტობის კანდიდატმა შიო ხეცურიანმა არჩევნების წინ თავისი კანდიდატურა მოხსნა. ამის მიზეზად მან არასამართლიანი საარჩევნო გარემო დაასახელა.
„დღესაც კი არ ვიცით დელეგატების სია, ვინ იქნება არჩევნების დროს. მთელი გულითა და მონდომებით ჩვენ, ჩვენი მეგობრები ვცდილობდით, პროგრესისკენ წავსულიყავით, გვინდოდა, პროგრესისკენ წასულიყო საკალათბურთო სამყაროი. სამწუხაროდ, პირადი ინტერესების დამარცხება ვერ მოვახერხეთ, ვიღაცის პირადი ინტერესები უფრო მაღლა დადგა ვიდრე კალათბურთის განვითარება, შესაბამისად მე ჩემს გუნდთან ერთად მივიღე გადაწყვეტილება, არ მივიღო ამ არჩვნებში მონაწილეობა და ჩემი კანდიდატურა მოხსნილი იქნება ამ არჩევნებიდან“, - თქვა ხეცურიანმა ბრიფინგზე.
მან მადლობა გადაუხადა თავის მხარდამჭერებს, ხოლო კალათბურთის მომავალ პრეზიდენტს წარმატებები უსურვა.
არჩევნები დღეს გაიმართება. ყრილობა და არჩევნები „ქორთიარდ მარიოტში“, 13:00 საათიდან დაიწყება.
ხეცურიანის ამ გადაწყვეტილების შემდეგ პრეზიდენტობის ერთადერთი კანდიდატი პაატა გურასპაული იქნება.
ანა მებურიშვილი