საზოგადოება

კასპის მერიამ ცნობილი ლოტბარი ბელა კობიაშვილი სამსახურიდან გაათავისუფლა

კასპის მერიამ ქალაქის კოლორიტი, ლოტბარი ბელა კობიაშვილი სამსახურიდან გაათავისუფლა. ამის შესახებ ინფორმაციას მისი შვილიშვილი, თათია ბროლაძე ავრცელებს.

თათია ბროლაძე, რომელიც გახარიას გუნდის წევრია, აღნიშნავს, რომ ბებია, სწორედ, შვილიშვილის პოლიტიკური შეხედულების გამო გაუშვეს სამსახურიდან.

,,ჩემი პოლიტიკური აქტივობა ვალდებულს მხდის, არა მხოლოდ ბებიაჩემის, არამედ ყველა ჩაგრულის, სიმართლისათვის დევნილის უფლებებისთვის ვიბრძოლო! ვის შეაშინებთ და ვის დააშინებთ!

ბრძოლა იქნება ბოლომდე და გპირდებით, რომ ისე დასრულდებით, სამარვხვინო ლაქად დარჩებით კაცობრიობის წინაშე!'' - მიმართავს თათია ბროლაძე კასპის მერს ვახტანგ მაისურაძეს და მის გუნდს.

ბელა კობიაშვილი ბოლო დრომდე სახელოვნებო სკოლების გაერთიანებაში მუშაობდა. წლების განმავლობაში კასპის კულტურის სახლის ხელმძღვანელი იყო, სათავეში ედგა მოსწავლეთა გუნდებს და ორგანიზებას უწევდა კულტურულ ღონისძიებებს.

ბელა კობიაშვილის განთავისუფლების შესახებ კასპის მერიას განმარტება ჯერ არ გაუკეთებია.

ქართლის ამბები