საზოგადოება
„ხელისუფლებამ დახურა იბერია!!!“
ტელეკომპანია„იბერიამ“ მაუწყებლობა შეწყვიტა. ეკრანზე ჩანს მხოლოდ წარწერა: „ხელისუფლებამ დახურა იბერია!!!“
ტელეკომპანიის დამფუძნებელმა, საქართველოს პარლამენტის წევრმა, ნატო ჩხეიძემ 16 ოქტომბერს სოციალური ქსელით გაავრცელა განცხადება.
„დღეს ტელეკომპანია “ იბერიამ” შეწყვიტა მაუწყებლობა.
ხელისუფლებამ მიზანს მიაღწია.
გადაუკეტა სასიცოცხლო არტერია და გაჩერდა “ იბერია”
მაგრამ...
მედიასთან დაპირისპირება ცუდად შეუტრიალდება ოცნების ხელისუფლებას.
საკუთრებასთან დაპირისპირება ცუდად შეუტრიალდება ოცნების ხელისუფლებას.
მშრომელ და პროფესიონალ ხალხთან დაპირისპირება ცუდად შეუტრიალდება ოცნების ხელისუფლებას.
არ ელიოდებიან კი...
ვერ წარმოუდგენიათ კი...
სულ ტყუილად არ ელიდებიან!..
სულ ამაიდ ვერ წარმოუდგენიათ!..“- წერს ნატო ჩხეიძე.
„ომეგა-ჯგუფი,“ რომლის შემადგენლობაში ტელეკომპანია „იბერიაცაა“ ხელისუფლებას ადანაშაულებს ბიზნესზე ზეწოლასა და ფინანსური პრობლემების შექმნის გზით კრიტიკულად განწყობილი ტელეარხის დახურვაში.