კომენტარი

ხუთსაც გავათავისუფლებთ და ოცდახუთსაც, თუ საქმეს დასჭირდა - ალექსანდრე ჯეჯელავა

ხუთსაც გავათავისუფლებთ და ოცდახუთსაც, თუ საქმეს დასჭირდა, - განუცხადა ჟურნალისტებს განათლებისა და მეცნიერების მინისტრმა, ალექსანდრე ჯეჯელავამ ხუთი დირექტორის სკოლების საპირფარეშოების მოუწესრიგებლობის გამო გათავისუფლების საკითხის კომენტირებისას.

მინისტრმა არ დააკონკრეტა, რომელი სკოლების დირექტორები გათავისუფლდნენ.

"ჩვენ ვამბობთ, რომ ბავშვის ჯანმრთელობასთან ხუმრობა არ შეიძლება. თუ რომელი დირექტორები გათავისუფლდნენ, ამის დაკონკრეტებისგან თავს შევიკავებ", - განაცხადა ალექსანდრე ჯეჯელავამ.

მისივე თქმით, დირექტორებმა სისუფთავესთან დაკავშირებით ყურადღება არ უნდა მოადუნონ და თუ სახსრები არ აქვთ, სამინისტრო დაეხმარება.

მინისტრის ინფორმაციით, სისუფთავის მხრივ მდგომარეობა ასობით სკოლაში გაუმჯობესდა.