უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
სამართალი
ხვალ ისტორიერულ მიჯნაზე ვდგავართ, სასამართლომ რუსთავი2-თან დაკავშირებით დასკვნა უნდა გამოიტანოს - ჯარჯი აქიმიძე
ტელეკომპანია რუსთავი 2-ის ერთი -ერთი დამფუძნებლის, ჯარჯი აქიმიძის განცხადებით, ხვალ არის ისტორიული დღე, რადგან სასამართლომ უნდა გადაწყვიტოს თუ ვის ხელში გადავა ტელეკომპანია რუსთავი 2.
ამასთან, როგორც აქიმიძემ, ტელარხის კიდევ ერთ დამფუძნებელთან დავით დვალთან ერთობლივ პრესკონფერენციაზე აღნიშნა, რუსთავი2-ის დამფუძნებლები არხისთვის ბრძოლას არ შეწყვეტენ.
პრესკონფერენციის დაწყებისას აქიმიძემ რუსთავი2-ის სამკერდე ნიშანი ამოიღო და აღნიშნა, რომ მასზე დატანილია სიტყვები „რუსთავი2 ჩემია“.
„იდეაში ვფიქრობდით გაგვეკეთებინა თუ არა ეს სამკერდე ნიშანი და ბოლოს ჩავთვალეთ, რომ არასწორი იქნებოდა ამ ეტაპზე. მე, რა თქმა უნდა, ამ სამკერდე ნიშანს არ გავიკეთებ, მაგრამ დარწმუნებული ვარ, რომ ამ სამკერდე ნიშნის გაკეთების დრო მოვა და ჩვენ ან მოგვიწევს, ან არ მოგვიწევს“,-განაცხადა აქიმიძემ.
მან გაიხსენა ის სლოგანები, რომლითაც მაუწყებლობდა ტელეკომპანია თავისი არსებობის განმავლობაში.
„1994 წელი, ჩვენ იმის ფუფუნება არ გვქონდა, რომ ასეთი სამკერდე ნიშანი დაგვემზადებინა ათასი, ორი ათასი ცალი და ასე შემდეგ და დაგვერიგებინა მოსახლეობაში. მაგრამ ჩვენ გვქონდა მთავარი, გვქონდა სლოგანი რითიც დავიწყეთ მაუწყებლობა - „ჩვენი ტელევიზია-თქვენი ტელევიზიაა“, და წლების განმავლობაში რუსთავი2 მაუწყებლობას ამ სლოგანით იწყებდა.
1994 წლიდან - 2004 წლამდე რუსთავი2 ორჯერ გააჩერეს, ეს არ ყოფილა, როგორც დღეს იძახიან ზეწოლა, ეს იყო გაჩერება პირდაპირი მნიშვნელობით. პირველი გაჩერება, 40 დღის განმავლობაში გრძელდებოდა, მეორე გაჩერება, 9 თვის განმავლობაში. მერე, რუსთავი2-ს სლოგანი შეეცვალა და ის გახდა „გამარჯვებული ხალხის ტელევიზია“ და ტელევიზია მაშინდელი გამარჯვებული პარტიის ხელში აღმოჩნდა. ერთი თვის შემდეგ კი ზეწოლის, თვალთვალის თუ სხვა შედეგად ჩვენ საკონტროლო პაკეტი დავთმეთ - 60%, მათ მადლობა გადაგვიხადეს და შედეგად რუსთავი2 ნაციონალური მოძრაობის ტელევიზია გახდა. 2012 წლის მთავრობის შეცვლის შემდეგ,მას შემდეგ რაც ნაციონალური მოძრაობა გადავიდა ოპოზიციაში, რუსთავი2 გახდა სრულიად ოპოზიციური ტელევიზია, თუმცა მას პარტიული ტელევიზიის ფუნქცია არ დაუკარგავს და ის დღესაც თავისუფალი მედია არ არის, ეს ერთი პარტიული ჯგუფის ტელევიზიაა“,-განმარტა ჯარჯი აქიმიძემ.
მისი თქმით, სამართლიანობა მხოლოდ იმ შემთხვევაში აღდგება, თუ ტელეკომპანია დაუბრუნდება იმ ადამიანებს, რომლებმაც მის შექმნაში ოფლი დაღვარეს.
„ხვალ ჩვენ ისტორიულ მიჯნაზე ვდგავართ. სასამართლომ დასკვნა უნდა გამოიტანოს, რამდენი ხანი გაგრძელდება ამ დასკვნის გამოტანა უცნობია, ერთ დღეს, ორ დღეს, კაციშვილმა არ იცის. მაგრამ, ფაქტია, რომ ეს უნდა იყოს ოსტორიული გადაწყვეტილება და ჩვენი აზრით და დარწმუნებულები ვართ, რომ ეს იქნება პირველი ნაბიჯი იმისათვის, რომ სამართლიანობა აღდგეს. გვინდა, კატეგიურლად და პრინციპულად ვთქვათ, რომ სამართლიანობა აღდგება ერთადერთ შემთხვევაში - როდესაც ეს ტელევიზია დაუბრუნდება იმ დამფუძნებლებს, რომლებმაც ამდენი წლების განმავლობაში საკუთარი შრომის, ოფლის, ნერვების ფასად იმ კოლექტივთან ერთად, რომლის ბირთვიც რუსთავი2 -ში დღესაც მუშაობს, შექმნეს ეს ტელევიზია. ჩვენ აუცილებლად გავაგრძელებთ ბრძოლას მანამ სანამ რუსთავი2 არ დაუბრუნდება თავის ძველ დამფუძნებლებს“,-აღნიშნა აქიმიძემ.
მონიკა დავლიანიძე