უკან
საზოგადოება
10 ოქტომბერი, 2017 23:01
ხვალ წმინდა სინოდის სხდომა იმართება
ხვალ, 11 ოქტომბერს საქართველოს საპატრიარქოში საქართველოს მართლმადიდებელი ეკლესიის წმიდა სინოდის სხდომა გაიმართება.
წმინდა სინოდის წევრები 12:00 საათისთვის შეიკრიბებიან.
წმინდა სინოდის სხდომას საქართველოს კათოლიკოს-პატრიარქი, უწმინდესი და უნეტარესი ილია მეორე უხელმძღვანელებს.
საქართველოს საპატრიარქოში ჯერჯერობით არ საუბრობენ, თუ რა თემებზე იქნება მსჯელობა წმინდა სინოდის სხდომაზე.
ცნობისათვის, წმინდა სინოდის სხდომა წელს მეორედ იმართება. 9 მარტს გამართულ სხდომაზე ერთ-ერთი მთავარი თემა, დეკანოზ გიორგი მამალაძის საკითხი იყო.