კომენტარი

კიდევ ერთ გამარჯვებას მიაღწია ქართულმა დიპლომატიამ - თენგიზ ფხალაძე

კიდევ ერთ გამარჯვებას მიაღწია ქართულმა დიპლომატიამ, - განაცხადა პრეზიდენტის მრჩეველმა საგარეო საკითხებში გაერო-ს მიერ საქართველოსთან დაკავშირებული რეზოლუციის მხარდაჭერის კომენტირებისას.

ფხალაძის თქმით, პრეზიდენტი მიესალმება რეზოლუციას და მიიჩნევს, რომ ეს არის ძალიან დიდი, სერიოზული წინგადადმული ნაბიჯი.

"უაღრესად მნიშვნელოვანი იყო ეს რეზოლუცია. ეს არის იმ კოორდინირებული ძალისხმევის შედეგი, რასაც ჩვენ ვახორციელებთ. სიმბოლურია, რომ თავიდან, როდესაც დაიწყო ამ რეზოლუციაზე მუშაობა, მხარდამჭერი იყო 14 ქვეყანა, დღეს 80 მხარდამჭერია და 14 წინააღმდეგი. ის, რომ გაიზარდა მხარდამჭერთა რაოდენობა, კიდევ ერთხელ მოწმობს და მხარს უსვამს იმას, რომ ასეთი დიპლომატიური ნაბიჯებით მივაღწევთ წარმატებას და დიდ გამარჯვებას", - განაცხადა თენგიზ ფხალაძემ.

გაეროს გენერალურმა ასამბლეამ 71-ე სესიაზე მხარი დაუჭირა საქართველოს მიერ ინიცირებულ რეზოლუციას.

ნინო ექვთიმიშვილი