კომენტარი
კობახიძის არითმეტიკის არასდროს არ მჯეროდა - ეკა ბესელია
„კობახიძის არითმეტიკის არასდროს არ მჯეროდა. მისი მათემატიკა იმდენად ცუდია, რომ საპრეზიდენტო არჩევნების დროს ივანიშვილიც შეცდომაში შეიყვანა და ზურაბიშვილისთვის გამარჯვება მიალოცინა, – ასე გამოეხმაურა დამოუკიდებელი დეპუტატი, ეკა ბესელია „ქართული ოცნების“ აღმასრულებელი მდივნის, ირაკლი კობახიძის განცხადებას.
„კობახიძის არითმეტიკის არასდროს არ მჯეროდა. მისი მათემატიკა იმდენად ცუდია, რომ საპრეზიდენტო არჩევნების დროს ივანიშვილიც შეცდომაში შეიყვანა და ზურაბიშვილისთვის გამარჯვება მიალოცინა. ეს მისი სტატისტიკის წყალობით მოხდა. იქ ვიყავი, როცა ამტკიცებდა, რომ არჩევნები პირველ ტურში იყო დასრულებული. მისი სტატისტიკის არ მჯერა, მის გზავნილებში, ბევრი სიცრუის გარდა, ვერაფერი ამოვიკითხეთ. ეს იყო ღია აღიარება, რომ „ქართული ოცნება“ უმრავლეს მანდატს ვერ მოიპოვებს და ეძებს რა იქნება საუკეთესო ფორმულა, რომ გადაარჩინოს ხელისუფლება და დარჩეს. ამისკენ არის მიმართული ყველაფერი“, – განაცხადა ეკა ბესელიამ.
ირაკლი კობახიძის განცხადებით, თუ „ქართულმა ოცნებამ“ 2020 წელს ხმების 45% მაინც ვერ მიიღო, კოალიციის შექმნა შესაძლოა შეუძლებელიც კი გახდეს. მისივე თქმით, აქედან გამომდინარე, მაღალი იქნება ხელახალი არჩევნების ჩატარების ალბათობაც.