საზოგადოება

კომისიამ ინტერნეტ ტექნოლოგიით მაუწყებლობის ტრანზიტზე ავტორიზებული პირი შპს „GUDA.TV“ წერილობით გააფრთხილა

საქართველოს კომუნიკაციების ეროვნულმა კომისიამ ინტერნეტ ტექნოლოგიით მაუწყებლობის ტრანზიტზე ავტორიზებული პირი შპს „GUDA.TV“ წერილობით გააფრთხილა.

როგორც კომუნიკაციების ეროვნულ კომისიაში აცხადებენ, კომპანია შემდეგ სამაუწყებლო არხებს - „იმედი“, „აჭარა“, „საფერავი ტვ“, „სილქ-უნივერსალი“, „ობიექტი“ და „მაესტრო“, შესაბამისი ნებრათვისა და ლიცენზიის გარეშე გადასცემდა.

,,საკითხის განხილვის სხდომაზე მოწვეული იყო კომპანიის წარმომადგენელი, კომისიამ ყველა დაინტერესებული მხარის პოზიცია მოისმინა და მიიჩნია, რომ შპს „GUDA.TV“-მ ,,ლიტერატურული და მხატვრული ნაწარმოებების დაცვის“ ბერნის კონვენცია, „ისმო“ საავტორო უფლებების დაცვის შესახებ ხელშეკრულება, ,,საავტორო და მომიჯნავე უფლებების შესახებ“ და ,,მაუწყებლობის შესახებ“ საქართველოს კანონები დაარღვია.

კომისიის გადაწყვეტილებით, იურიდიულ პირს დაევალა ზემოთ ჩამოთვლილი სამაუწყებლო არხების არამართლზომიერი რეტრანსლირების დაუყოვნებლივ შეწყვეტა’’, - ნათქვამია კომუნიკაციების ეროვნული კომისიის განცხადებაში.