კომენტარი

კომუნალური ვაუჩერი მიეცემა 200 ათასი სარეიტინგო ქულის დაბალი ქულის მქონე ოჯახებს- დავით ნარმანია

თბილისის მერის დავით ნარმანიას განცხადებით, სოციალური უზრუნველყოფის ნაწილში დაფინანსების შემცირება მხოლოდ და მხოლოდ კომუნალურ ვაუჩერს უკავშირდება.

„ჯანდაცვის და სოციალური უზრუნველყოფის ნაწილში დაფინანსების შემცირება უკავშირდება, ძირითადად, მხოლოდ და მხოლოდ კომუნალურ ვაუჩერს, რაც ჩვენდა სამწუხროდ, ვერ გაიგეს ჩვენმა ოპონენტებმა. არ ვიცი ბიუჯეტი არ წაიკითხეს მათ, თუ ზერელედ გააკეთეს ეს განცხადება. როგორც ჩანს ზერელედ გააკეთეს, როდესაც საზოგადოებას ამცნეს ძალაინ დიდი სიცრუე“,-განაცხადა ნარმანიამ „ტვ პირველის“ ეთერში.

მისი თქმით, არც ერთი ჯანდაცვითი, არც ერთი სოციალური პროექტი და პროგრამა, რომელიც მოქალაქეებს სჭირდებათა დედაქალაქის ბიუჯეტში აღარ შეწყდება.

„კომუნალური ვაუჩერი, გახსოვთ, ჩვენი წინამორბედების დროს ეძლეოდა ყველას, სჭირდებოდა თუ არ სჭირდებოდა, მდიდარსაც და ღარიბ ადამიანსაც. ჩვენ, კომუნალური ვაუჩერის რეფორმა გავატარეთ, რომლის ფარგლებში, ვაუჩერი ეძლევა 200 ათას სარეიტინგო ქულაზე დაბალი ქულის მქონე ოჯახებს, და ეს მათთვის არ მცირდება. დაახლოებით, 16 მილიონი ლარი გათვალისწინებულია მომდევნო წელსაც ამ ნაწილში“,-განაცხადა დედაქალაქის მერმა.

მონიკა დავლიანიძე