საზოგადოება

კონსტიტუცია უნდა ემსახურებოდეს ხალხს და არა პარტიებს - პატრიარქი

მე ვფიქრობ, ჩვენი კონსტიტუცია თანდათან სრულყოფილი გახდება და ხალხი ისწავლის კონსტიტუციის სივრცეში ცხოვრებას, – განაცხადა კონსტიტუციის ახალი რედაქციის პრეზენტაციაზე სრულიად საქართველოს კათოლიკოს პატრიარქმა ილია მეორემ.

მისი თქმით, კონსტიტუცია უნდა ემსახურებოდეს ხალხს და არა პარტიებს.

„დღეს არის კონსტიტუციის დღე. ძველი რომაელები ამბობდნენ, მკაცრია კანონი, მაგრამ კანონია და ჩვენ უნდა ვისწავლოთ კონსტიტუციის სივრცეში ცხოვრება. კონსტიტუცია უნდა ემსახურებოდეს ხალხს და არა პარტიებს, ან გარკვეულ წლებს. მე ვფიქრობ, თანდათან სრულყოფილი გახდება ჩვენი კონსტიტუცია და ხალხი ისწავლის კონსტიტუციის სივრცეში ცხოვრებას. ღმერთმა დალოცოს საქართველო და ჩვენი კონსტიტუცია”,- განაცხადა პატრიარქმა.