უახლესი ამბები
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
სამართალი
კონსტიტუციასთან დაკავშირებით ნებისმიერი დისკუსიის გაგრძელებისთვის მზად ვარ - თეა წულუკიანი
მმართველ გუნდში მზაობას გამოთქვამენ, რომ კონსტიტუციის პროექტის მესამე მოსმენამდე დისკუსია შედგეს. - აცხადებს იუსტიციის მინისტრი თეა წულუკიანი.
ამასთან, მისივე თქმით, როდესაც ახალი კონსტიტუციის პროექტი ძალაში შევა, ქვეყანა მიიღებს თვისობრივად უფრო დემოკრატიულ და ხარისხიან კონსტიტუციას.
„მე პირადად ვიყავი წევრი საკონსტიტუციო კომისიის, რომელმაც მუშაობა დაასრულა. მაგრამ, დღესაც მზად ვარ ნებისმიერი დისკუსიის გაგრძელებისთვის. იმისთვის რომ ის ცვლილებები, რაც მომზადდა და უნდა შევიდეს ძალაში რამდენიმე თვეში, იყოს მაქსიმალური კომპრომისის შედეგი. აქვე დავძენ, რომ ჩვენ, როდესაც ამ ცვლილებებს ავამუშავებთ, გვექნება თვისობრივად უფრო დემოკრატიული და უფრო ხარისხიანი კონსტიტუცია“, - აღნიშნა მინისტრმა.
ანალოგიური მზაობა გამოთქვა, პარლამენტის ადამიანის უფლებათა დაცვის კომიტეტის თავმჯოდმარე ეკა ბესელიამაც. მან აღნიშნა, რომ მაქსიმალურად მზად არის დიალოგისთვის პროცედურების გათვალისწინებით.
„ჩვენ მაქსიმალურად გახსნილი ვართ დიალოგისთვის, საუბრისთვის, კონსესუსისთვის. ეს არის აბსოლუტურად გულწრფელი შეთავაზება ჩვენგან, მაგრამ პროცედურების გათვალისწინებით. რა პროცედურაც არსებობს, იმ პროცედურის ფარგლებში უნდა ვისაუბროთ“,-აღნიშნა ბესელიამ.
მონიკა დავლიანიძე