საზოგადოება
,,კულტურა საზღვრებს გარეშე` - პროექტის ფარგლებში დაგეგმილია რიგი ღონისძიებები შიდა ქართლსა და სამეგრელო-ზემო სვანეთში
ა.წ. 10 მაისიდან - 28 სექტემბრის ჩათვლით, საქართველოს კულტურისა და სპორტის სამინისტროს ხელშეწყობით, განხორციელდება ა(ა)იპ „1 ეკვილიბრიუმის“ მიერ ინიცირებული პროექტი ,,კულტურა საზღვრებს გარეშე", რომლის ფარგლებშიც დაგეგმილია რიგი ღონისძიებების გამართვა შიდა ქართლისა და სამეგრელო-ზემო სვანეთის რეგიონებში (მეჯვრისხევი - 10 მაისი, ქ. ზუგდიდი/სოფ. ტყაია - 21-22 ივნისი, სოფ.ორსანტია/ანაკლია - 6-7 სექტემბერი და სოფ. მერეთი), სადაც მოხდება ადგილობრივი მოსახლეობის აქტიური ჩართულობა ჩასული სტუმრების მიერ ორგანიზებულ კონცერტებსა თუ შეხვედრებში.
კულტურისა და სპორტის სამინისტროს ინფორმაციით, პროექტის პირველი ეტაპის ფარგლებში, დაგეგმილი ღონისძიებები გაიმართება ა.წ 10 მაისს სოფ. მეჯვრისხევში და ქ. გორში, სადაც მწერლები და მეცნიერები (გიორგი კეკელიძი, გაგა ლომიძე, ნანა ლატარია) წლევანდელ საიუბილეო თარიღებზე გაამახვილებენ ყურადღებას, მათ შორის - დამოუკიდებლობის 100 წლისთავი, ქართული მწერლობა და ხელოვნება 1918-1921; ალ. ყაზბეგი - 170,ო. ჭილაძე - 85), ასევე ისაუბრებენ კულტურული დიალოგის გაღრმავების მნიშვნელობაზე და ინტერაქციის რეჟიმში გამართავენ მკითხველთან დიალოგს, მოეწყობა სხვადასხვა სახის გამოფენები ადგილობრივი და დევნილი ახლაგარზდა ხელოვანების მონაწილეობით და ბოლო დროის ქართული მოკლემეტრაჟიანი, ფილმის „აპრილის სუსხი“ ჩვენება.