უკან
საზოგადოება
22 ნოემბერი, 2017 14:10
ყველაზე მეტად რაც გვაღელვებს ესაა მოსახლეობის უსაფრთხოება - იან კელი
საქართველოში აშშ-ის ელჩი იან კელი გამოეხმაურა ბერი გაბრიელ სალოსის ქუჩაზე მიმდინარე კონტრტერორისტულ სპეცოპერაციას. მისი თქმით, ყველაზე მნიშვნელოვანია მოსახლეობის უსაფრთხოების უზრუნველყოფა.
კელიმ ურჩია სამართალდამცავებს, სპეცოპერაციის დასრულების შემდგომ საზოგაოდებას სრული ინფორმაცია მიაწოდონ.
„ყველაზე მეტად, რაც გვაღელვებს ეს გახლავთ მოსახლეობის უსაფრთხოება. რა თქმა უნდა, ყურადღებით ვაკვირდებით მიმდინარე პროცესს და ვიცით, რომ გარკვეული ზომები იყო მიღებული იმისთვის, რომ მოსახლეობის უსაფრთხოება იყოს დაცული. ეს მნიშვნელოვანია.
არანაკლებ მნიშვნელოვანია, სპეცოპერაციის დასრულების შემდეგ სამართალდამცავებმა გააკეთონ განცხადება და გაავრცელონ ინფორმაცია იმის შესახებ, თუ რა მოხდა“, -უთხრა კელიმ ჟურნალისტებს.
ანა მებურიშვილი