კომენტარი

კვირიკაშვილის მიმართვა შესაძლოა, აღმოჩნდეს გარდამტეხი და უნდა აღმოჩნდეს გარდამტეხი - ირმა ინაშვილი

საქართველოს პარლამენტის ვიცე-სპიკერი, ,,პატრიოტთა ალიანსის“ წევრი, ირმა ინაშვილი პრემიერ გიორგი კვირიკაშვილის მიერ რუსეთის ხელისუფლებისადმი გაგზავნილ მიმართვას ეხმიანება.

,,არსებულ ვითარებაში საქართველოს პრემიერ-მინისტრის მიმართვა რუსეთის ფედერაციის ხელისუფლებისადმი არის უმნიშვნელოვანესი პოლიტიკური ნაბიჯი და განაცხადი, სრულიად კონკრეტული გზავნილებით. ყველა, ვინც ამ მიმართვის გამო, თავს ესხმის კვირიკაშვილს, არის ჩვენი ქვეყნის მტერი! ეს ხალხი რეალურად არც არჩილ ტატუნაშვილის გადმოსვენების საკითხითა და ბედითაა დაინტერესებული, არც ქვეყანაში სტაბილურობის შენარჩუნებითაა დაინტერესებული და არც სოხუმთან და ცხინვალთან ურთიერთობის დარეგულირება აინტერესებთ. სწორედ ასეთმა აზროვნებამ მოიტანა სოხუმისა და ცხინვალის ტრაგედიები, სწორედ ასეთმა ხალხმა ჩააბარა კოდორი და ახალგორი.

ამიტომ ყველა საღადმოაზროვნე მოქალაქე, იქნება ის პოლიტიკური პარტიის ლიდერი, თუ უბრალოდ ინჟინერი ან ექიმი უნდა ხვდებოდეს, რომ კვირიკაშვილის მიმართვა( ჩვენი სახელმწიფოებრივი ინტერესების დაცვის ჭრილში) შესაძლოა აღმოჩნდეს გარდამტეხი და უნდა აღმოჩნდეს გარდამტეხი,“ - წერს ინაშვილი ფეისბუქის პირად გვერდზე.