კომენტარი

ლარის დაცემა არის რეაქცია არჩევნების შედეგებზე - ზურაბ ჭიაბერაშვილი

,,ევროპული საქართველოს“ წევრი, ზურაბ ჭიაბერაშვილი ეროვნული ვალუტის გაუფასურებას არჩევნების შედეგებს უკავშირებს.

დეპუტატის თქმით, ეს არის ბიზნესისთვის სიგნალი, რომ ქვეყანაში ეკონომიკა უკან მიდის.

„ლარის დაცემა არის რეაქცია არჩევნების შედეგებზე. რჩება მთავრობა, რომელსაც არაფერის გაკეთება შეუძლია, რომ ქვეყანა მძიმე ეკონომიკური და სოციალური მდგომარეობიდან გამოიყვანოს. ასევე, ბიზნესმა ნახა ბიუჯეტის ის პროექტი, რაც მთავრობამ პარლამენტში წარადგინა და ნახა, რომ აქაც არაფერი იცვლება, მთავრობა არ აპირებს გადასახადების დაწევას,“ - განაცხადა ზურაბ ჭიაბერაშვილმა.