საზოგადოება

„ლეოგრანდი“ ამ სახელით ფუნქციონირებას წყვეტს - სასტუმროს ადვოკატი

სასტუმრო და სამორინე „ლეოგრანდი“ სახელწოდებას შეცვლის. როგორც სასტუმროს იურისტმა კახა წერეთელმა IPN-ს განუცხადა, გადაწყვეტილება „ლეოგრანდში“ ხანძრის შედეგად დაღუპულთა ოჯახებთან შეთანხმებით მიიღეს.

„თვითონ გარდაცვლილთა ოჯახების პოზიციის გათვალისწინებით, სასტუმროს მეპატრონემ მიიღო გადაწყვეტილება, რომ სასტუმროს შეეცვალოს სახელწოდება და მას აღარ ერქვას „ლეოგრანდი“, რადგან თუნდაც ეს სახელი, უკვე ძალიან მძიმეა და თვითონ ეს წარწერაც, როცა შემოდიხარ ქალაქში, მძიმეა ყველა იმ ოჯახისთვის და მათ შორის საზოგადოებისთვის. სასტუმრო და სამორინე „ლეოგრანდი“ ამ სახელით წყვეტს ფუნქციონირებას“, - უთხრა ადვოკატმა გამოცემას.

ბათუმში მდებარე ხუთვარსკვლავიან სასტუმრო „ლეოგრანდში“ ხანძარი 24 ნოემბერს გაჩნდა, რომლის შედეგად 11 ადამიანი - 10 საქართველოს და 1 ირანის მოქალაქე დაღუპა.

ანა მებურიშვილი