სამართალი

ლევან როსტოშვილს 8-წლიანი პატიმრობა მიუსაჯეს

თბილისის საქალაქო სასამართლოს გადაწყვეტილებით, ნარკოტიკული ნივთიერების შეძენა-შენახვისთვის ყოფილ ტელეწამყვან ლევან როსტოშვილს 8 წლით თავისუფლების აღკვეთა მიესაჯა, მის მეგობარ მსახიობ ლაშა კურტანიძეს კი, სასჯელის სახედ 5-წლიანი პატიმრობა აღკვეთა განესაზღვრა.

სამართალდამცავებმა ლევან როსტოშვილი და ლაშა კურტანიძე 2016 წლის 5 მაისს 260-ე მუხლით დააკავეს, რაც განსაკუთრებით დიდი ოდენობით ნარკოტიკული ნივთიერების შეძენა-შენახვას გულისხმობს.

მოგვიანებით, სასამართლომ აღკვეთის ღონისძიების სახედ შეფარდებული წინასწარი პატიმრობა ბრალდებულებს გირაოთი შეუცვალა და 150 000-150 000 ლარის გადახდის სანაცვლოდ სასამართლო დარბაზიდან გაათავისუფლა.

ნინო ექვთიმიშვილი