კომენტარი
მამა გიორგი მამალაძის ჯანმრთელობის მდგომარეობა დღესაც არის ნორმაში - ჯარჯი წიკლაური
ე.წ. მატროსოვის ციხეში ,,ციანიდის საქმის’’ პროკურორი ჯარჯი წიკლაური ბრალდებულის, დეკანზო გიორგი მამალაძის დასაკითხად მივიდა.
საპატიმრო დაწესებულებასი შესვლამდე მან ჟურნალისტებთან კომენტარი გააკეთა და იმედი გამოტქვა, რომ ბრალდებული გამოძიების მიერ დასმულ ყველა კრიტიკულ შეკითხვას პასუხს გასცემს.
,,დღეს გამოვცხადდით ბრალდებულის დაკითხვის მიზნით, რომ გაგრძელდეს ეს საგამოძიებო მოქმედება და იმედი გვაქვს, რომ ამჯერად მაინც ჩვენ მიერ დასმულ მნიშვნელოვან და კრიტიკულ შეკითხვებს ბრალდებული გასცემს პასუხს. სწორედ ესაა ჩვენი მიზანი, რომ მისგან მივიღოთ სრულყოფილი ინფორმაცია.
ჩვენი ინფორმაციით, ბრალდებულის ჯანმრთელობის მდგომარეობა დღესაც არის ნორმაში. ანუ, მას შესაძლებლობა აქვს მონაწილეობა მიიღოს საგამოძიებო მოქმედებებში და სწორედ ამიტომაც, ჩვენ ვაპირებთ მის დაკითხვას. დავსვამთ ამ შეკითხვებს და ველით მისგან პასუხებს’’, - განაცხადა წიკლაურმა.
რაც შეეხება ჟურნალისტების კითხვას, რომელიც ბრალდებულის მხრიდან მისი და მისი ოჯახის უსაფრთხოების ზომების უზრუნველყოფას გულისხმობდა, პროკურორმა აღნიშნა, რომ საკითხს დეტალურად გამოკითხავს ბრალდებულს.
ნინო ექვთიმიშვილი