უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
მამუკა ბახტაძე სამუშაო ვიზიტით იაპონიას ეწვევა
საქართველოს პრემიერ-მინისტრი მამუკა ბახტაძე დღეს სამუშაო ვიზიტით იაპონიას ეწვევა.
მთავრობის მეთაური 15 მარტს ოფიციალურად გახსნის ქართული ღვინის კულტურისა და ისტორიისადმი მიძღვნილ გამოფენას – „საქართველო – ღვინის სამშობლო“, რომელსაც საგამოფენო ცენტრი ტერადა ვეარჰაუსში (Terrada Warehouse) მასპინძლობს.
საქართველოს მთავრობის პრესსამსახურის ინფორმაციით, ექსპოზიცია, რომელიც უნიკალურ არქეოლოგიურ ექსპონატებსა და თანამედროვე ტექნოლოგიებს აერთიანებს, ქართული ღვინის კულტურის უნიკალურობის წარმოჩენას ისახავს მიზნად.
გამოფენა საქართველოს მთავრობის ინიციატივით, ღვინის ეროვნული სააგენტოსა და ასოციაცია „ქართული ღვინის“ ორგანიზებით, გარემოს დაცვისა და სოფლის მეურნეობის სამინისტროს, „საქპატენტის“ და ეროვნული მუზეუმის მხარდაჭერით, მსოფლიოში უმსხვილესი კომპანია „სონისა” და კომპანია „ტოპანის” პარტნიორობით იმართება და დამთვალიერებელს 7 მაისამდე უმასპინძლებს.
გარდა ამისა, 15 მარტს ტოკიოში საქართველო-იაპონიის ბიზნესფორუმი გაიმართება, რომელსაც საქართველოს პრემიერ-მინისტრი მამუკა ბახტაძე იაპონიის საგარეო ვაჭრობის ორგანიზაციის (JETRO) პრეზიდენტ იასუშუ აკაჰოშისთან ერთად გახსნის.
ვიზიტის ფარგლებში მთავრობის მეთაური გამართავს მაღალი დონის შეხვედრებს, მათ შორის იაპონიის პრემიერ-მინისტრის მოადგილესთან, ფინანსთა მინისტრ ტარო ასოუსა და საგარეო საქმეთა მინისტრ ტარო კონოსთან. დაგეგმილია მოლაპარაკებები იაპონიის საგარეო ვაჭრობის ორგანიზაციისა (JETRO) და იაპონიის საერთაშორისო თანამშრომლობის სააგენტოს პრეზიდენტებთან.
საქართველოს სამთავრობო დელეგაციაში, რომელსაც პრემიერ-მინისტრი ხელმძღვანელობს, ეკონომიკისა და მდგრადი განვითარების მინისტრი გიორგი ქობულია და გარემოს დაცვისა და სოფლის მეურნეობის მინისტრი ლევან დავითაშვილი იმყოფებიან.
მამუკა ბახტაძის ვიზიტი იაპონიაში 15 მარტს დასრულდება.