კომენტარი
მამუკა მდინარაძე- სირიასთან დაკაშირებულ განცხადებაზე: მთლიანად ვართ ჩართული ამ კამპანიაში, ამიტომ გასაოცარია რატომ ხდება თემის უტრირება
საპარლამენტო უმრავლესობის წევრის, მამუკა მდინარაძის განცხადებით, საქართველო, სირიასთან დაკავშირებით, მთლიანად არის ჩართული იმ კამპანიაში, რისკენაც მას ნაციონალური მოძრაობა მოუწოდებს.
ამის შესახებ მდინარაძემ პარლამენტის ბიუროს სხდომაზე, ალეპოსთან დაკაშირებით ნაციონალური მოძრაობის მიერ შემუშავებული განცხადების კომენტირებისას, უმცირესობის მისამართით განაცხადა.
„საქართველო მთლიანად არის ჩართული იმ კამპანიაში, რაზეც მოგვიწოდებენ, ამიტომ ჩემთვის გასაოცარია რატომ ხდება რაღაც თემების უტრირება. მკაფიო პოზიციას გამოხატავს საგარეო საქმეთა სამინისტრო, აბსოლუტურად ხისტად, სწორად და მიზანმიმართულად ვუერთდებით ჩვენი მეგობრების, გაეროს წევრი ქვეყნების პათოსს ყველა კონტექსტში, შესაბამისად, არ მგონია, რომ ეს მოთხოვნა ემსახურებოდეს იმ მიზანს, რასაც თქვენ წარმოაჩენთ“,-განაცხადა მდინარაძემ.
ნაციონალურმა მოძრაობა პარლამენტში შეიტანა განცხადება, რომელიც ალეპოში მიდინარე მოვლენებს გმობს.
საპარლამენტო უმცირესობა მიმართავს უმრავლესობას, რომ განცხადება პარლამენტის სახელით იქნას მიღებული.
მონიკა დავლიანიძე