კომენტარი

მაქვს განცდა, რომ ბრეგაძე და კამპანია მართლაც იქნებიან აგრესიულები და სამოქალაქო დაპირისპირებასაც ეცდებიან - ირაკლი ტაბლიაშვილი

მედიაექსპერტი ირაკლი ტაბლიაშვილი სოციალურ ქსელში ,,ქართველთა მარშის’’ წევრებთან დაკავშირებით სტატუსს აქვეყნებს.

,,ბრეგაძეს, ბიბლიაზე დაფიცებისას, ფეხის ცერა და ფეხის არათითი ჰქონდა გადაჯაჭვული, ანუ, ნიჩურტა ჰქონდა ნაღდად.

ახლა კი სერიოზულად - კონტრაქციის საწინააღმდეგო კონტრაქციის ჩატარება, ანუ მუქარა, რომ არ ჩაგვატარებინებენ აქციას, თან სასაცილოა და თან - არა.

მე მაქვს განცდა, რომ ბრეგაძე და კამპანია მართლაც იქნებიან აგრესიულები და სამოქალაქო დაპირისპირებასაც ეცდებიან.

ეს არ ნიშნავს აქციაზე არწასვლას, სწორედაც რომ პირიქით... რაც მეტნი ვიქნებით, მით ჩაუვარდებათ ხმა.. მით ვერ გაბედავენ ვერაფერს... ხოლო თუ გაბედეს და ჩაშალეს, ეს მთლიანად იქნება საქართველოს ხელისუფლების ბრალი... ბრალი და პასუხისმგებლობა.

და ბოლოს, მიუხედავად იმისა, რომ ეს აქცია ერთი პარტიის მერობის კანდიდატმა დაანონსა, მე არ მაქვს განცდა, რომ ეს საარჩევნო აქციაა... ამდენად, პოლიტიკურ პარტიებს, მათ შორის, ელენე ხოშტარიას ოპონენტებს სხვა საკითხებში, მოვუწოდებ - გამოდით თქვენც... ერთად ვუთხრათ უარი რუსეთს...’’, - წერს ირაკლი ტაბლიაშვილი.