კომენტარი

მართლმადიდებელი ეკლესია და ხელისუფლება ერთობლივად გააკეთებენ ყველაფერს, რომ ამ საქმეზე სიმართლის დადგენას ხელი არ შეეშალოს - ეკა ბესელია

საქართველოს ხელისუფლება და საპატრიარქო ერთობლივად ყველაფერს გააკეთებს იმისთვის, რომ ამ საქმეზე დადგინდეს, მართლაც სად არის სიმართლე და სად არის რეალობა, - განუცხადა ჟურნალისტებს პარლამენტის იურიდიულ საკითხთა კომიტეტის თავმჯდომარემ, ეკა ბესელიამ.

მისი თქმით, მნიშვნელოვანია გამოძიების ორგანო ისე მუშაობდეს, რომ მასზე გავლენას ვერავინ ახდენდეს.

„მართლმადიდებელი ეკლესია და ხელისუფლება ერთობლივად გააკეთებენ ყველაფერს, რომ ამ საქმეზე სიმართლის დადგენას ხელი არ შეეშალოს. ეს თანამშრომლობა, ეს კოორდინაცია მნიშვნელოვანია საქმის შედეგისთვის. მნიშვნელოვანია ისიც, რომ გამოძიებას ნდობას უცხადებს საქართველოს საპატრიარქო და არავის არ გაუმჟღავნებია ჯერ მტკიცებულებები. საპატრაიარქო არ არის დახურული ინსტიტუცია, სადაც ადამიანებს არ მიესვლებათ. ვისაც აქვს სურვილი მიდის და საუბრობს იმ თემაზე, რა თემაზეც მათ ეს სურთ და დიალოგი არაფერს არ აზიანებს. მთავარია ის, რომ გამოძიება რომელიც მთავარ პროკურატურას მიჰყავს, მას ჰქონდეს შესაძლებლობა ყოველგვარი ჩარევის გარეშე სიმართლე დადგინდეს. საქართველოს ხელისუფლება და საქართველოს საპატრიარქო ერთობლივად ყველაფერს გააკეთებს იმისთვის, რომ ამ საქმეზე დადგინდეს, მართლაც სად არის სიმართლე და სად არის რეალობა“, - განაცხადა ეკა ბესელიამ.

ნინო ექვთიმიშვილი