საზოგადოება

მართმადიდებლობა ავკრძალოთ რუსეთთან ერთმორწმუნეობის გამო და ძირძველ ტოტემიზმს დავუბრუნდეთ - შოთა გლურჯიძე

თეატრის მხატვარი, შოთა გლურჯიძე ფსიქოლოგ ნათია ფანჯიკიძის მიერ რამდენიმე დღის წინ სოციალურ ქსელში გამოქვეყნებულ სტატუსს საპასუხო ირონიული სტატუსით ეხმიანება.

,,როგორ უნდა დავამარცხოთ რუსეთი:

1.რუსული ენა და ლიტერატურა უნდა დავივიწყოთ და "დეფურ-ნუსხურით" ჩავანაცვლოთ.
2,რუსული ბლინები და ოტკა ვჭამოთ და დავლიოთ,ისე რომ ბოლომდე გავანადგუროთ ოკუპანტის სტრატეგიული პროდუქტების მარაგი.
3.მათ ჯინაზე,კბილები არ გამოვიხეხოთ.
4.ტანი აღარ დავიბანოთ და ზედ აჯიკა წავისვათ.
5.მართმადიდებლობა ავკრძალოთ რუსეთთან ერთმორწმუნეობის გამო და ძირძველ ტოტემიზმს დავუბრუნდეთ.
6.რუსული გაზის ონკანი მოვუშვათ (ვითომ შემთხვევით დაგვრჩა) და სულ დავუცალოთ.
7.პუშკინის,გოგოლისა და გრიბოედოვის ძეგლებს ამერიკული ბულდოზერით გადავუაროთ და მათ ადგილას რომელიმე წარმატებული ევრო-მენეჯერის ძეგლი ავღმართოთ.
8.დავწვათ რუსული წიგნები ბიბლიოთეკებში და ამ ცეცხლზე შემწვარი მეგრული გოჭები რუს ტურისტებს ტყემლით ვაჭამოთ.
9.მენდელეევის პერიოდული ტაბულა ნათიას ფლომასტერით პერიოდულად გადავჯღაბნოთ.
10.ამის შემდეგ,"კომპიუტერი და ინგლისური" შევიტანოთ ახალ კონსტიტუციაში და ჩვენი ჰიმნი ინგლისურად ვიმღეროთ,გერმანული აქცენტით.

მესმის რომ რთულია ამოცანაა მაგრამ,მხოლოდ ამგვარად დამშვენებულნი და ამაყნი თუ შევალთ ევროპელ ხალხთა ნათელ სასუფეველში!!!’’ - წერს გლურჯიძე ფეისბუქის პირად გვერდზე.

შეგახსენებთ, რომ ნათია ფანჯიკიძემ რამდენიმე დღის წინ სოციალურ ქსელში დაწერა პოსტი იმის შესახებ, თუ რამდენად კარგია, რომ ახალმა თაობამ რუსული ენა არ იცის. მისი მოსაზრებით, ამგვარად "კაგებეს მეტასტაზები მალე განადგურდება".