საზოგადოება

მე, შემოსილ მღვდელს თურქი მესაზღვრე მიკრძალავს მის ტერიტორიაზე ჩემს ეკლესიაში შესვლას - დეკანოზი გიორგი რაზმაძე

დეკანოზი გიორგი რაზმაძე აჭარაში მეჩეთების მშენებლობის საკითხს ეხმიანება.

„აჭარაში 150 მეჩეთი და 45 ეკლესიაა . . .

ვის სჭირდება მეჩეთი?

აი ეს კითხვა მაქვს მეც ჩვენს ხელისუფლებასთან. ფაქტობრივად ეს ადამიანები ივიწყებენ საზოგადოების აზრს ამ საკითხთან დაკავშირებით და ფაქტი კი რჩება ფაქტად: რამდენიმე ადამიანი წყვეტს მეჩეთების მშენებლობას და ეკლესია-მონასტრების დანგრევის საკითხს! თუ აინტერესებთ ამ ადამიანებს საზოგადოების აზრი საერთოდ?!

მინდა აგრეთვე დავით გარეჯის თემასაც შევეხო, სადაც სოკარი, იგივე ხელმარჯვე და გაქნილი საქციელით ხელს უწყობს მეჩეთების მშენებლობას და ეს ხდება დავით გარეჯის გარშემო მყოფი ტერიტორიის ჩამორთმევის ხარჯზე…მათი მესაზღვრეები დადიან მონასტრის ფრესკებს ფხეკენ და ვინ მოთვლის კიდევ რა ვანდალურ საქციელებს ჩადიან და ეს საკითხი ისევ მოუგვარებელია….

რაც შეეხება,რომ გაჰყვირიან ოშკი,ზარზმა ხახული, ვინ გაუთქვა სახელი ამ ეკლესიებს? ისევ და ისევ იქ მოღვაწე ჩვენმა წმიდა მამებმა: გრიგოლ ხანძთელმა და მისმა თანამოღვაწეებმა. ბრძნული გამონათქვამია “უპატრონო ეკლესიას, ეშმაკები დაეპატრონებიანო”, თუკი იქ ადამიანს ღვთის მსახურების და ლოცვის საშუალება არ მიეცა გამოდის, რომ მხოლოდ ტურისტებად უნდა მივიდეთ?!

ჩემი უფლება, მართლმადიდებელი ადამიანის უფლება ირღვევა ამით!!!!! როცა მე, შემოსილ მღვდელს თურქი მესაზღვრე მიკრძალავს მის ტერიტორიაზე ჩემს ეკლესიაში შესვლას, რატომ არ წუხს ამაზე ხელისუფლება? როდესაც მისი სამღვდელოება ასეა დაჩაგრული მათი მხრიდან, რატომ არ დგას დღის წესრიგში ეს საკითხი?! ეს არის უდიდესი პრობლემა, როდესაც შემოსილ მღვდელს არ უშვებენ თავიანთ ტერიტორიაზე და მოითხოვენ განმოსვას, წინააღმდეგ შემთხვევაში საფასური უნდა გადაიხადო!!!…

საპატრიარქომ გააკეთა შესაბამისი განცხადება, მაგრამ ხელისუფლებამ ყური არ ათხოვა, ყველაფერი ხდება საპატრიარქოს გვერდის ავლით!!…თითქმის ჩვენს ყველა ხელისუფალს წმიდა ილია მართლის სურათი უკიდია კაბინეტში, ნეტავ თუ რომელიმეს წაუკითხავს მისი ან გამონათქვამები ან ცხოვრება?! კარგი იქნება თუ ეს ხალხი გაითვალისწინებს წმიდა ილიას სიტყვებს: საქართველოს ისტორიაში ეკლესია რომ ამოშალო, იქ აღარაფერი დარჩებაო!!!

რაც შეეხება ტოლერანტობას. მეიდანზე, რამდენიმე კვადრატულ მეტრზე უამრავი აღმსარებლობის ტაძარია, ვინ უვარდებათ იქ მათ და ვინ ესვრის ქვას?!…მაგრამ მათ სხვა ქვე აზრები ამოძრავებთ ამ შემთხვევაში. ერთ მისიონერ მოღვაწეს კითხეს, რატომ არიან მუსულმანები ასე ბევრი და ქრისტიანები კი ასე ცოტაო? მუსულმანს არ სჭირდება ქრისტეს ჯვრის აღება და ტვირთვაო, უპასუხა მოღვაწემ. ამიტომაც არის, რომ ამ ხალხს უჭირს ქრისტეს სჯულთან შეგუება!…”, - აცხადებს დეკანოზი გიორგი რაზმაძე.