კომენტარი

მერაბიშვილი კალენდრიდან ამოხეული ფურცელია - ნუკრი ქანთარია

მერაბიშვილი კალენდრიდან ამოხეული ფურცელია, თუ რომელიმე პარტია კედელზე დაიკიდებს, მათი საქმეა - ნუკრი ქანთარია

„ქართული ოცნების“ დეპუტატი, ნუკრი ქანთარია ციხიდან გამოსულ ვანო მერაბიშვილს კალენდრიდან ამოხეულ ფურცელს ადარებს.

"ვანო მერაბიშვილი არის კალენდრიდან ამოხეული ფურცელი, თუ ამას რომელიმე პარტია კედელზე სიმბოლურად დაიკიდებს, ეს მათი საქმეა და მათი გადასაწყვეტია. ორი გვამის პატრონი პოლიტიკაში ისე აქტიურად მობრუნდეს, რომ მან ამ მუქარასა თუ დანაქადნებს ოდნავ მაინც ბიძგი მისცეს, არის აბსოლუტურად გამორიცხული", — ამბობს ქანთარია.

საქართველოს ყოფილმა პრემიერ-მინისტრმა და შინაგან საქმეთა ყოფილმა მინისტრმა, ვანო მერაბიშვილმა სასჯელაღსრულების დაწესებულება დღეს დატოვა. მერაბიშვილს თავისუფლების აღკვეთის ვადა დღეს ამოეწურა.

როგორც მერაბიშვილმა ე.წ. მატროსოვის ციხიდან გამოსვლის შემდეგ მედიასთან კომენტარში განაცხადა, იძლევა გარანტიას, რომ ერთ წელიწადში ეს ხელისუფლება დასრულდება. მისივე თქმით, „დღევანდელი ხელისუფლების დამხობის შემდეგ ამ ციხის კარები ფართოდ გაიღება“. ამასთან, როგორც მერაბიშვილმა „ძალიან ახარებს, რომ საქართველოში ოპოზიცია ერთიანია“.