უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
სამართალი
მერაბიშვილის მტკიცება, რომ ის საკნიდან გაიყვანეს და გვიან ღამით დაკითხეს, საკმაოდ დამაჯერებელია და შესაბამისად, დამტკიცებულია - სტრასბურგის სასამართლო
ადამიანის უფლებათა ევროპული სასამართლოს დიდმა პალატამ შს ყოფილი მინისტრის, ვანო მერაბიშვილის საქმეში ევროკონვენციის მე-18 მუხლის დარღვევა ძალაში დატოვა. პალატის 17 წევრიდან ამ გადაწყვეტილებას 9-მ დაუჭირა მხარი, ხოლო 8 წინააღმდეგ წავიდა.
გადაწყვეტილება სტრასბურგის სასამართლოს ვებ-გვერდზეა გამოქვეყნებული.
კონვენციის მე-18 მუხლი უფლებების შეზღუდვათა გამოყენების ფარგლებს ეხება, კერძოდ, თუ დაკავება არ ემსახურებოდა იმ მიზნებს, რასაც სისხლის სამართლის კოდექსი ითვალისწინებს და ემსახურებოდა აბსოლუტურად სხვა მიზნებს.
„სასამართლო ერთხმად ტოვებს ძალაში, რომ არ არის დარღვეული კონვენციის მეხუთე მუხლის პირველი პარაგრაფი განმცხადებლის დაკავებასთან დაკავშირებით. სასამართლო ასევე ერთხმად ტოვებს ძალაში, რომ არ არის დარღვეული მეხუთე მუხლის პირველი პარაგრაფი განმცხადებლის წინასწარ პატიმრობასთან დაკავშირებით. სასამართლო ძალაში ტოვებს, რომ არ არის დარღვეული მეხუთე მუხლის მესამე პარაგრაფი განმცხადებლის წინასწარ პატიმრობაში მოთავსებასთან დაკავშირებით. სასამართლო ძალაში ტოვებს, რომ დაირღვა მეხუთე მუხლის მესამე პარაგრაფი 2013 წლის 25 სექტემბრიდან მოყოლებული, რადგან წინასწარი პატიმრობა უკვე აღარ იყო გამყარებული საკმარისი საფუძვლებით. 9 ხმით 8-ის წინააღმდეგ სასამართლო ძალაში ტოვებს, რომ დაირღვა კონვენციის მეთვრამეტე მუხლი, უფლებების გამოყენების შეზღუდვის შესახებ, მეხუთე მუხლის პირველ პარაგრაფთან ერთად,“- ნათქვამია სტრასბურგის სასამართლოს გადაწყვეტილებაში.
დიდი პალატის განმარტებით, დამაჯერებელია მერაბიშვილის ნაამბობი იმაზე, რომ ის 2013 წლის 14 დეკემბერს საკნიდან გაიყვანეს და დაკითხეს.
„სასამართლოს დასკვნით, ვერ დადგინდა, რომ მერაბიშვილის წინასწარი პატიმრობის მიზანი მისი პოლიტიკური სცენიდან მოშორება იყო. თუმცა, სასამართლომ დაადგინა, რომ მერაბიშვილის მტკიცება, რომ ის საკნიდან გაიყვანეს და გვიან ღამით დაკითხეს, საკმაოდ დამაჯერებელია და შესაბამისად, დამტკიცებულია.
ასამართლომ მიიჩნია, რომ თავისუფლებაზე მერაბიშვილის უფლების შეზღუდვა, მუდმივ სიტუაციას წარმოადგენდა. ყველა გარემოების გათვალისწინებით, სასამართლო დასკვნამდე მივიდა, რომ ამ შეზღუდვის მთავარი მიზანი, დროთა განმავლობაში შეიცვალა. თავიდან ამის მიზანი იყო დანაშაულების გამოძიება, ხოლო მოგვიანებით კი ინფორმაციის მიღება ჟვანიას გარდაცვალებასა და სააკაშვილის საბანკო ანგარიშებზე“, - წერია სტრასბურგის სასამართლოს გადაწყვეტილებაში.