კომენტარი

მეუფე პეტრე გამორიცხავს, რომ დეკანოზ გიორგი მამალაძეს ჩვენებაში მისი სახელი და გვარი დაესახელებინა

მეუფე პეტრე ცაავა გამორიცხავს, რომ დეკანოზ გიორგი მამალაძეს ჩვენებაში მისი სახელი და გვარი დაესახელებინა.

როგორც ჭყონდიდის მიტროპოლიტმა პროკურატურაში დაკითხვაზე შესვლამდე განაცხადა, მას არ ჰგონია, რომ მისი დაკითხვაზე დაბარება ე.წ. ციანიდის საქმეზე ბრალდებული დეკანოზის, გიორგი მამალაძის ჩვენების საფუძველზე მოხდა.

,,გამოვრიცხავ ჩვენებაში ჩემი გვარი დაესახელებინოს, ვინაიდან მამა გიორგისთან არ მქონია ურთიერთობა. ერთადერთხელ მქონდა წერილობითი მომწერა, როდესაც პირველად, 22 დეკემბერს ღია ეთერში ვამხილე საპატრიარქოს ჩრდილოვანი მმართველობა. მაშინ მამა გიორგიმ მომწერა და მადლობა გადამიხადა, რაზეც ვუპასუხე და დავლოცე,” - განაცხადა მიტროპოლიტმა პეტრე ცაავამ.

მისივე თქმით, თუ მას პროკურატურა გაუთქმელობის პირობის დადებას მოსთხოვს, ის ამას არავითარ შემთხვევაში არ დათანხმდება.

ნინო ექვთიმიშვილი