პოლიტიკა

მგონია, საქმე გვაქვს ჭორიკნობასთან, როდესაც ქალბატონები ჭორაობენ - კახა კალაძე

არ არის სწორი ასეთი მაღალი თანამდებობის პირებისგან ასეთი განცხადებები, - ასე გამოეხმაურა ვიცე-პრემიერი, ენერგეტიკის მინისტრი, კახა კალაძე პრეზიდენტის ოჯახის წევრსა და საკონსტიტუციო სასამართლოს მოსამართლეებზე ზეწოლის მცდელობის ფაქტებთან დაკავშირებით გაკეთებულ განცხადებებს.

როგორც კალაძემ ჟურნალისტებს განუცხადა, მსგავსი განცხადებები არის სახელმწიფო ინსტიტუტების მიზანმიმართული დისკრედიტრაცია.

,,მე ძალიან ეჭვი მეპარება ამ განცხადებებს როდესაც ვისმენ. მგონია ეს პოლიტიკური სპეკულაციებია, რადგან დღემდე არ მისულა ბატონი პაპუაშვილი პროკურატურაში. მგონია, საქმე გვაქვს ჭორიკნობასთან, როდესაც ქალბატონები ჭორაობენ. ეს ვფიქრობ, არის მიზანმიმართული დისკრედიტრაცია სახელმწიფო ინსტიტუტების, ინსტიტუტების, რომელზეც დგას ევროპული ქვეყანა და მათ შორის ჩვენი ქვეყანაც. არ არის სწორი ასეთი მაღალი თანამდებობის პირებისგან ასეთი განცხადებები’’, - ამბობს კახა კალაძე.