უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
მიხეილ ჯანელიძემ ევროპის საბჭოს გენერალური მდივნის მოადგილეს სტამბოლის კონვენციის სარატიფიკაციო სიგელი გადასცა
საქართველოს საგარეო საქმეთა მინისტრმა, მიხეილ ჯანელიძემ ქ. ნიქოზიაში მიმდინარე ევროპის საბჭოს მინისტერიალის ფარგლებში, ევროპის საბჭოს გენერალური მდივნის მოადგილეს, გაბრიელა ბატანი-დრაგონის სტამბოლის კონვენციის სარატიფიკაციო სიგელი გადასცა.
„ქალთა მიმართ ძალადობისა და ოჯახში ძალადობის პრევენციისა და აღკვეთის შესახებ“ სტამბოლის კონვენციას საქართველო 2014 წელს შეუერთდა. სტამბოლის კონვენციის სარატიფიკაციო პაკეტი საქართველოს პარლამენტმა მესამე მოსმენით 2017 წლის მაისში მიიღო.
საქართველოს საგარეო საქმეთა სამინისტროს ინფორმაციით, კონვენცია მიზნად ისახავს მოახდინოს პრევენცია და დაიცვას ქალები ძალადობის ყველა ფორმისაგან, ასევე ხელი შეუწყოს ქალთა წინააღმდეგ დისკრიმინაციის ყველა ფორმის აღმოფხვრას.
კონვენციის მოთხოვნებიდან გამომდინარე, ცვლილებები შევიდა საქართველოს ეროვნულ კანონმდებლობაში, მათ შორის საქართველოს სისხლის სამართლის კოდექსში.
,,ზემოაღნიშნული საკანონმდებლო ცვლილებების განხორციელების შედეგად საქართველოს კანონმდებლობა შესაბამისობაში იქნა მოყვანილი კონვენციით დადგენილ სტანდარტებთან.
საქართველოს მხრიდან აღნიშნული კონვენციის რატიფიცირება, ხაზს უსვამს იმ ფაქტს, თუ რამდენად დიდ მნიშვნელობას ანიჭებს ქვეყანა ევროპის საბჭოს იმ ღირებულებების დაცვას, როგორიცაა ადამიანის უფლებები, კანონის უზენაესობა და დემოკრატია’’, - აცხადებენ საქართველოს საგარეო უწყებაში.