პოლიტიკა

მიხეილ გიორგაძე საია-ს კვლევას პასუხობს

კულტურისა და ძეგლთა დაცვის მინისტრი მიხეილ გიორგაძე ახალგაზრდა იურისტთა ასოციაციის მიერ გავრცელებულ იმ ინფორმაციას გამოეხმაურა, რომლის მიხედვითაც, მინისტრის მისამართზე რეგისტრირებულ კომპანიას სახელმწიფოს ვალი აქვს.

გიორგაძე ადასტურებს, რომ საიას კვლევაში ნახსენები ბინა მის საკუთრებაშია.

,,ეს ბინა ახლა ჩემ საკუთრებაშია, მაგრამ იმდენად, ძალიან ჩვეულებრივი ადამიანური მომენტია. წარმოიდგინეთ, 2005-ში აბსოლუტურად ფორმალური საკითხი, როდესაც იურიდიული მისამართი განესაზღვრა კომპანიას ბინაზე და როდესაც 10 წელზე მეტია იქ არ ცხოვრობ, ინიშნები თანამდებობაზე, ნუ ნამდვილად არ გახსენებია არავის ფორმალური საკითხი. არ ვარ დარწმუნებული, რომ ეს რაიმე დარღვევას წარმოადგენს დღესაც, თუმცა ამ ხარვეზსაც აუცილებლად გავასწორებ, გავაუქმებ იმ რეგისტრაციას,“ - განაცხადა გიორგაძემ რუსთავი 2-თან საუბარში.

ნინო ექვთიმიშვილი