არქივი
მსოფლიო
მყვინთავებმა ტაილანდის გამოქვაბულიდან მეცხრე მოზარდი გამოიყვანეს - მღვიმეში კიდევ 4 ადამიანი რჩება
ტაილანდის საზღვაო ქვედანაყოფმა ოფიციალურად დაადასტურა, რომ მყვინთავებმა ქვეყნის ჩრდილოეთით მდებარე ტჰამ ლუანგის მღვიმედან მეცხრე მოზარდი გამოიყვანეს. გამოქვაბულში კიდევ სამი ბიჭი და მათი საფეხბურთო მწვრთნელი რჩებიან.
ოპერაციის მესამე ფაზის დაწყებამდე ტაილანდის საზღვაო ქვედანაყოფმა განაცხადა, რომ ევაკუაცია ჩვეულებრივზე დიდხანს გაგრძელდება, რათა მყვინთავებმა ყველა გამოიყვანონ.
ორი დღის განმავლობაში მყვინთავებმა 8 ბიჭის გამოყვანა შეძლეს. ისინი საავადმყოფოში გადაიყვანეს, სადაც ექიმების მეთვალყურეობის ქვეშ იმყოფებიან.
23 ივნისს 11-დან 17 წლამდე ასაკის ბავშვები თავის მწვრთნელთან ერთად გამოქვაბულში ჩარჩნენ უეცრად წამოსული ძლიერი წვიმის გამო, რომელმაც იქაურობა წყლით დაფარა. მოზარდები და მათი მწვრთნელი ბრიტანელმა მყვინთავებმა 9-დღიანი ძებნის შემდეგ აღმოაჩინეს გამოქვაბულის სიღრმეში, შესასვლელიდან ოთხი კილომეტრის მანძილზე.