კომენტარი

მომდევნო დღეებში მერია სახელმწიფო აუდიტს სხვა სამსახურების შემოწმების თაობაზეც მიმართავს

თბილისის მერი კახა კალაძე მერიაში აუდიტის სამსახურის მუშაობას გამოეხმაურა.

როგორც კახა კალაძემ ჟურნალისტებს განუცხადა, რამდენიმე სამსახურში შემოწმება წლის ბოლომდე უნდა დასრულდეს, თუმცა მომდევნო დღეებში მერია აუდიტს სხვა სამსახურების შემოწმების თაობაზეც მიმართავს.

“მერიის სამსახურების ნაწილში აუდიტის სამსახური შესულია და ამოწმებენ. წლის ბოლოს უნდა დასრულდეს შემოწმებები, თუმცა ჩვენ მომდევნო დღეების განმავლობაში გავაკეთებთ განცხადებას იმასთან დაკავშირებით, რომ გვინდა, კიდევ სხვა სამსახურებშიც მოხდეს აუდიტის მხრიდან შემოწმება”, - განაცხადა კახა კალაძემ.

გენერალური აუდიტორის, ირაკლი მექვაბიშვილის ინფორმაციით, თბილისის მერიაში აუდიტი რამდენიმე მიმართულებით მიმდინარეობს.

მისი თქმით, შესწავლა ქონების მართვის, გამწვანების საკითხებს, გარე განათებასა და ზედამხედველობის სამმართველოს უკავშირდება.

ნინო ექვთიმიშვილი