უკან
კომენტარი
22 ოქტომბერი, 2016 17:15
მოქალაქეებს თავისუფლად შეუძლიათ გადაადგილება და მარნეულის საარჩევნო უბანთან მისვლა - შსს
შინაგან საქმეთა სამინისტრო მარნეულში პოლიციის მიერ გზის გადაკეტვის შესახებ ინფორმაციას არ ადასტურებს.
,,პოლიცია არეგულირებს საგზაო მოძრაობას და მოქალაქეებს თავისუფლად შეუძლიათ გადაადგილება და საარჩევნო უბანთან მისვლა’’, - განუცხადეს მედიანიუსს შსს-ში.
შეგახსენებთ, რომ მარნეულში ნაციონალური მოძრაობის მაჟორიტარობის კანდიდატის, აჰმედ იმამკულიევის ინფორმაციით, პოლიციას ყიზილაჯლომდე ავტომანქანით მისასვლელი გზა გადაკეტილი აქვს და მოსახლეობას საარჩევნო უბნამდე ფეხით გადაადგილებისკენ მიუთითებს.
,,პოლიციის მანქანა იდგა აქ. როცა ჟურნალისტები მოვიდნენ აქ, პოლიციის მანქანა უცებ გაქრა. ზღუდავენ, რომ ადამიანი არ შემოვიდეს ამ ქუჩაზე. ეგენი ზღუდავენ მოსახლეობას გადაადგილებაში’’, - განაცხადა იმამკულიევმა.
ნინო ექვთიმიშვილი