უკან

უახლესი ამბები

დღის კალენდარი

ანონსები

არქივი

კომენტარი

22 ნოემბერი, 2017 10:20
font-size

მორჩილ პრეზიდენტს ოფისსაც გაუთბობენ და პრობლემებსაც არ შეუქმნიან - გიორგი მარგველაშვილი

გულწრფელად მიაჩნიათ, რომ პრეზიდენტი უნდა იყოს მორჩილი და მორჩილ პრეზიდენტს ოფისსაც გაუთბობენ და პრობლემებსაც არ შეუქმნიან, - განაცხადა საქართველოს პრეზიდენტმა გიორგი მარგველაშვილმა „ტვ პირველის“ გადაცემაში ,,რეაქცია“ სტურობისას, ავლაბრის რეზიდენციის შენახვა-ფუნქციონირების ხარჯების შესახებ დასმული კითხვის საპასუხოდ.

„ზუსტად ისევე, როგორც საქართველოს მოსახლეობა, ჩემი სახლის, დედაჩემისა და მამაჩემის სახლის გათბობას და კიდევ რამდენიმე ოჯახის კომუნალურ ხარჯებს ჩემი ჯიბიდან ვიხდი და არა სახელმწიფოს ჯიბიდან. ნამდვილად აქ მეც ისევე ვიცი, რა არის გამთბარი ოთახის ფასი, რადგან ან ერთი ოთახი უნდა გაათბო, ან რამდენიმე და შესაბამისად, ეს შენი გადასახდელია. ჩემი ხელფასის 30% ზამთარში ამაზე მიდის“, - განაცხადა მარგველაშვილმა.

მისივე თქმით, ავლაბრის რეზიდენციის კომუნალური ხარჯები ეს არ არის მისი გათბობა, არამედ ეს არის - საქართველოს პრეზიდენტის ინსტიტუტის, რომელიც ,,თავისთავად მნიშვნელოვანია, რადგან უნდა მიიღო სხვა ქვეყნის პრეზიდენტი, უნდა აწარმოო პოლიტიკური პროცესი და ა.შ.“

პრეზიდენტის განცხადებით, ეს ყველაფერი დღეს არ დაწყებულა.

„ეს 195-ე სერიაა, სერიიდან - პრეზიდენტმა ნახოს თავისი ადგილი, ხმას ნუ იღებს. მე რომ ვყოფილიყავი მეგობრული და არ მქონოდა განსხვავებული პოზიცია, დაითვლიდნენ ამ ხარჯებს, ხარჯებს, რომელიც ჩემი გაწეული არ არის?! ეს ხომ არ არის პრეზიდენტის ადმინისტრაციის ხარჯები, სხვა უწყების ხარჯებია - სახელმწიფო დაცვის სამსახურის. მეც პირველად ვნახე, წარმოდგენაც არ მქონდა და მეც კითხვა გამიჩნდა - რატომ ამდენი. ეს ხომ იმიტომ არის, რომ გულწრფელად მიაჩნიათ, რომ პრეზიდენტი უნდა იყოს მორჩილი და მორჩილ პრეზიდენტს ოფისსაც გაუთბობენ და პრობლემებსაც არ შეუქმნიან. შენ ხმა არ უნდა ამოიღო, შენი საქმე ისაა, რომ კმაყოფილი იყო შენი სამსახურით და კარგად იქნები - აი, ეს დამოკიდებულება ჩანს ამ ყველაფერში. მოდი რა, რა საჭიროა პრეზიდენტის ინსტიტუტი, რას გვიკეთებს, არაფერს კარგას არ აკეთებს ქვეყნისთვის - ეს ხომ გულწრფელი დამოკიდებულებაა იმ ადამიანების, რომლებსაც არ ესმით, რომ ნებისმიერ სახელმწიფოში პრეზიდენტის ინსტიტუტიც, მთავრობაც, პარლამენტიც, სასამართლოც, მედიაც იმისთვისაა, რომ შექმნას ბალანსი და თუ არ იქნება ბალანსი, ეს 4, 5 ან 2 მილიონი კი არა, მთელი სტაბილურობა კითხვის ნიშნის ქვეშ დადგება ქვეყანაში“, - განაცხადა გიორგი მარგველაშვილმა.

ნინო ექვთიმიშვილი

ბიუროკრატიული ხარჯების გაზრდა ხელისუფლების მხრიდან ამორალური დამოკიდებულებაა საკითხისადმი - სერგი კაპანაძე

2 დეკემბერი, 2020 , 16:44

„ხელისუფლება აჩვენებს, რომ საერთოდ არანაირი ხედვა არ აქვთ, თუ როგორ უნდა მოხდეს ამ ეკონომიკური კრიზისის დაძლევა,“ - აცხადებს „ევროპული საქართველოს“ ერთ-ერთი ლიდერი სერგი კაპანაძე. „ხელისუფლე

ძალიან ვწუხვარ, რომ ეს აქციები კვლავ იმართება - ეკატერინე ტიკარაძე

30 ნოემბერი, 2020 , 15:00

ჯანდაცვის მინისტრმა ეკატერინე ტიკარაძემ ეკონომიკური საქმიანობის აღდგენის მოთხოვნით გამართულ აქციებთან დაკავშირებით განაცხადა, რომ მთავრობის ნომერ პირველი ამოცანა ადამიანების სიცოცხლის დაცვაა. "გამომდინარე იქიდან, რომ დღე

პოლიტიკური პროცესიც პანდემიის მართვას უნდა ემორჩილებოდეს - ამირან გამყრელიძე

30 ნოემბერი, 2020 , 14:30

დღეს ჩვენ, ყველა, მათ შორის პოლიტიკური პროცესიც უნდა ემორჩილებოდეს პანდემიის მართვას. კიდევ ერთხელ ხაზს ვუსვამ, სერიოზული პანდემიის წინაშეა მთელი მსოფლიო, სერიოზული ზრდა გვაქვს ქვეყანაში ინფიცირების, – ამის შესახებ

კარტოგრაფები არა პოლიტიკური, არამედ სინდისის პატიმრები არიან - ელენე ხოშტარია

30 ნოემბერი, 2020 , 12:50

თბილისის საქალაქო სასამართლოსთან საქართველოს ტერიტორიების საწინააღმდეგოდ ჩადენილი ქმედების ბრალდებით დაკავებულების, ივერ მელაშვილისა და ნატალია ილიჩოვას მხარდასაჭერად სამოქალაქო აქტივისტები და პოლიტიკოსები იმყოფებიან. "ე

კარასინთან შეხვედრაზე 2019 წლის მოვლენები ნახსენები საერთოდ არ ყოფილა, ეს გახლავთ რუსეთის მხარის ინტერპრეტაცია - ზურაბ აბაშიძე

28 ნოემბერი, 2020 , 16:25

2019 წლის მოვლენები შეხვედრაზე ნახსენები საერთოდ არ ყოფილა; ეს გახლავთ რუსეთის მხარის ინტერპრეტაცია, - ასე გამოეხმაურა რუსეთის ფედერაციასთან ურთიერთობის საკითხებში საქართველოს პრემიერ-მინისტრის სპეციალური წარმომადგენელი

`ქამრების შემოჭერა`, პირველ რიგში, უნდა დაიწყოს მთავრობამ და საჯარო სამსახურმა - სერგი კაპანაძე

27 ნოემბერი, 2020 , 14:20

„ევროპული საქართველოს“ ერთ-ერთი ლიდერის სერგი კაპანაძის განცხადებით, როდესაც ქვეყანაში მძიმე ეკონომიკრი მდგომარეობაა „ქამრების შემოჭერა“, პირველ რიგში, მთავრობამ და საჯარო სამსახურმა უნდა დაიწყოს.