უახლესი ამბები
- 10.12.2019 21:56N16 პენიტენციურ დაწესებულებაში მსჯავრდებულებმა სოციალური საწარმო გახსნეს
- 10.12.2019 17:15კოტე ერისთავი Europabet-ის ახალ კამპანიაზე: ბიზნესის სოციალური პასუხისმგებლობა მნიშვნელოვანია, მაგრამ ეს საკმარისი არ არის
- 10.12.2019 16:05„ლარი მყარდება და ეს არის ჩვენი კოორდინირებული, მიზანმიმართული ეკონომიკური პოლიტიკის შედეგი“ - ნათია თურნავა
არქივი
პოლიტიკა


მსჯავრდებულთა 99 % სკანერით შემოწმებას ირჩევს - სასჯელაღსრულებისა და პრობაციის მინისტრის მოადგილე
სასჯელაღსრულებისა და პრობაციის მინისტრის მოადგილის, ალექსანდრე დარახველიძის ინფორმაციით, სასჯელაღსრულებისა და პრობაციის სამინისტროს N5 პენიტენციურ დაწესებულებაში მოშიმშილე ქალი პატიმრები სამედიცინო პერსონალისა და სოციალური მუშაკის მუდმივი მეთვალყურეობის ქვეშ იმყოფებიან.
როგორც მან განმარტა, მსჯავრდებულები აპროტესტებენ 28 ივნისს „ადამიანის უფლებათა ცენტრისა“ და სახალხო დამცველის აპარატის მიერ გამოქვეყნებულ ანგარიშს „ქალი და არასრულწლოვანი პატიმრების მდგომარეობა საქართველოში“. დოკუმენტის თანახმად, ქალთა პენიტენციურ დაწესებულებაში შემოწმების მიზნით პატიმართა გაშიშვლების პრაქტიკა კვლავ გამოიყენება.
დარახველიძის თქმით, პატიმრებს აქვთ შესაძლებლობა, აირჩიონ შემოწმება სკანერის აპარატის საშუალებით. მისივე განმარტებით, პირველადი მიღებისას ექიმი სხეულის დათვალიერებას ატარებს და ეს სავალდებულო პროცედურაა.
„ძირითად შემთხვევაში, სწორედ ამ ფორმით ხდება პატიმრების შემოწმება. ასევე არის დამატებითი მექანიზმი, რომელიც მოქმედებს დაწესებულებაში პატიმრის პირველადი მიღების დროს. ამ შემთხვევაში, სავალდებულოა ექიმის მიერ სხეულის დათვალიერება, რათა დაზიანებები იყოს აღმოჩენილი და აღრიცხული, მათი არსებობის შემთხვევაში. ბუნებრივია, სხეულის დათვალიერება საჭიროა, რადგან სკანერზე ვერ გამოჩნდება დაზიანება ან მაგალითად, ჩალურჯება აღენიშნება თუ არა. შესაბამისად, ციხეში პირველად მიღების დროს ეს არის არა მარტო დებულების მოთხოვნა, არამედ არაერთი საერთაშორისო აქტის, მათ შორის „სტამბოლის პროტოკოლიც“ ითვალისწინებს ამ ვალდებულებას. ამ შემთხვევაში, ჩვენ გვაქვს მინისტრის ბრძანებით გაწერილი სპეციალური პროცედურები“, – განაცხადა დარახველიძემ.
მისი თქმით, დაზიანების აღმოჩენისას ექიმმა აუცილებლად უნდა შეატყობინოს საგამოძიებო ორგანოს, რომ საჭიროების შემთხვევაში, დაიწყოს დაზიანებაზე გამოძიება, რადგან დაზიანების კვალი სწრაფად ქრება და შემდეგ რთულია გამოძიების ჩატარება.
დარახველიძის განცხადებით, მსჯავრდებულები ითხოვენ ანგარიშში მითითებული ფაქტების უარყოფას.
„ანგარიშში არასწორად იყო მითითებული ამ გარემოების შესახებ, თითქოს, ეს არის რუტინული პროცესი, თითქოს უსაფრთხოების ნაწილი და ა.შ. სწორედ ამ არასწორმა გარემოებამ, როგორც ჩემთვის არის ცნობილი, გამოიწვია პროტესტი. ასევე იყო შემთხვევა, როცა ოჯახის წევრებშიც გამოიწვია დაბნეულობა ამან და სწორედ ამ არასწორი ფაქტის უარყოფას ითხოვენ მსჯავრდებულები“, -თქვა დარახველიძემ.
მან უარყო ანგარიშში მითითებული ინფორმაცია, რომ გაშიშვლებით დათვალიერება პატიმრის დაწესებულებიდან გასვლის დროსაც ხდება.
„ამ მეთოდით შემოწმება ხდება, როცა პატიმარი პირველად შემოდის ციხეში, ყველა სხვა შემთხვევაში, ეს იქნება სასამართლოზე, კლინიკასა თუ სხვა მიზეზით დაწესებულების დატოვება, ყველა პატიმარს აქვს არჩევანი, შეუძლიათ სკანერით გაიარონ შემოწმება. თუ არ სურს სკანერი, ამ შემთხვევაში, არსებობს ნახევრად გაშიშვლების მექანიზმი და ამ მეთოდით მოწმდება“, – განაცხადა დარახველიძემ.
მისი ინფორმაციით, მსჯავრდებულთა 99 % სკანერით შემოწმებას ირჩევს და ანგარიშში სტატისტიკაც არასწორად იყო მითითებული, რომ თითქოს, ყველა შემთხვევაში გაშიშვლების მექანიზმია გამოყენებული.

საქართველოს პარლამენტმა 2020 წლის ბიუჯეტი დაამტკიცა
10 დეკემბერი, 2019 , 22:02
ვერც ერთმა ხელისუფლებამ ვერ გააცნობიერა, რომ ეკლესია და საქართველო განუყოფელია - ალექსანდრე ერქვანია
10 დეკემბერი, 2019 , 16:25

ჩვენი ამოცანაა ჯალათი მოსამართლეები არ აირჩიოს პარლამენტმა - ეკა ბესელია
10 დეკემბერი, 2019 , 14:20
ალექსანდრე ერქვანიამ საპარლამენტო უმრავლესობა დატოვა
10 დეკემბერი, 2019 , 14:20
მმართველი პარტიისგან მივიღეთ დაპირება, რომ საარჩევნო სისტემაზე შეთავაზებების განხილვას სერიოზულად მოეკიდებიან - ანდრიუს კუბილიუსი
10 დეკემბერი, 2019 , 14:20

პარლამენტის პლენარულ სხდომაზე 2020 წლის სახელმწიფო ბიუჯეტის პროექტს განიხილავენ
10 დეკემბერი, 2019 , 10:15